November-Höck

Fritig, de 13.... I has auso de guet möge merke... irgendwie isch mer a dem Tag nüd so richtig gloffe. Ir Bank isch 2x grundlos de Alarm use, bir Tankstell hani d Autotür a Wasserkübel gschlage wo aube det staht zum d Schibe putze u i bi i Stau cho wos süsch um die Zyt aube ke Stau het...

Debi het doch am Morge alles mit dem wunderschöne Panorama agfange woni vor Stube us ghäbe ha.

U debi isch doch Höck gsi.

Guet... durch de Stau bini scho mau leicht verspätet in Lyss acho. U wäg där tolli Winterzyt *nerv* isch am 18.45 bereits stockdunkel gsi. Für au die wos jetz nid erkenne... das isch d Schnute u de Bengel ;-)

ds Niederbipp vorem Restaurant gseht mes scho chli besser! ;-)

De Höck isch gmüetlech wie ging gsi. De Mike het d Fotoalbe vom United in Silverstone mitbracht. Tolli Sach! U d Pu isch vo Dütschland här miteme blaue Classic Mini Cooper Sport cho, läck, het dä chli Cheib guet usgseh. Troumhaft!

Ja... u das isch de o scho wieder de letscht Höck vo däm Jahr gsi. Jetz chunt no üsers traditionelle Wiehnachtsässe am 12. Dezember.

5 Jahre Liquid

Letscht Weekend het mi Lieblings-House-Club si 5. Geburtstag gfieret.

Klar, dass i da o ad Party gange bü. D Musig isch geil gsi, d Location isch es eh scho immer gsi.

Hie paar Impressione vom Liquid in Bern:

Rauch-, Wind- u Konfettimaschine ebeso vorhande wie die obligati Discokugle u tolli Liechtshow u de Tanzbühni wo sech im Kreis dreht.

U anschinend isch zum Gebri nid nur ds "Fuessvolk" awesend gsi... Vorem Club si nämlech grad 3 Lambos parkiert gsi wo eigentelch gar ke Parkplatz wer...

Alles neu macht der Oktober

Da isch öppis acho!!! =)

Am Donschtig, 22. Oktober, genau 146 Täg nach dem i bir Garage Marti ha de Bengel chöne ga abhole, hani wieder mau uf Niederwange chöne ganes Teil abhole. Zwar dismau nid wieder es ganzes Auto, aber immerhin! ;-)

...die brandneue, glanzgedrehte 18 Zöller vom John-Cooper-Works Zuebehör!!! *sabber*

E Wuche später isch es vollgepackt nach Ermensee gange. Da ig d Felge bir Garage ohni Reife bstellt ha, hani mer det grad direkt chöne d Pirelli P Zero Nero ide Dimension 215, 35, 18" la montiere. Ohni RunFlat säubstverständlech! ;-)

No es letschts mal mit de "alte" 17"er.....

....u churz später erstrahlt de Bengel i neuem Glanz. I finde, die Felge stöh dem eifach super! (Anderi Meinige si erloubt, wärde aber ignoriert ;-p)

Jaaa, itz muess er de irgendwenn no tiefer, i wiss scho! =)

Die erste Usfahrte mit de neue Felge hani uf jede Fau scho chöne mache. So zum Bispiel am Samschtig woni as Rallye du Valais gfahre bi, oder wie da: Am Suntig büni spontan mitum Christian u sim Karbon-Bomber no a letschti Usfahrt ufe Gurnigel ga mache, bevor die chalti Wintersaison wohl definitiv afaht.

Natürlech always open, wie sechs ghört!!!! =)

U damit das ganze es Happy End ohni Makel het, het natürlech o de Tüüfu vo dem Ganze chöne profitiere. Er isch nämlech jetz siner S-Spokes los u het Winterfelge, wo sech mire Meinig lah dörfe lah gseh!

Er stit nämlech jetz im Winter uf Works-Felge! ;-) Git sicher nid viel 53er MINIs wo die Felge druf hi.

...u so gsehts momentan am Abe us, we me ds Auto e haube Tag het ufem Parkplatz vo de Bank lah stah.

bevors ufe Heiwäg git, zersch mau de MINI vo au dene Blätter befreie. ;-)