Samstag, 27. Februar 2010

100'000 km

100'000 km MINI-Fun! 2'165 Tage nachdem ich das erste Mal den Schlüssel im "Tüüfu" drehen durfte, knackte er die magische Marke.

Sooo alt sieht er doch eigentlich noch gar nicht aus, oder?!


Es geschah gestern, am 26.02.2010, auf dem Weg zur Arbeit, kurz vor dem Ziel.


...als um 13.13. Uhr plötzlich.....

video

zack!

Natürlich wird er dafür noch eine anständige Belohnung erhalten, schliesslich soll das erst der Anfang gewesen sein! ;-)

Sonntag, 21. Februar 2010

Frühlingsgfüu

Es si die erste zaghafte Ziiche, dass de Früehling iiirgendwenn mau wird cho: D Sunne schint, d Temperature si sit Langem umi mau im positive Bereich.... ud MINIs si underwägs!

Am 13.00 hi sech de Rotsch, de Pascal, de Yves u ig üs ds Flamatt bir Comet troffe.


D Route het üs nach Thun u det am malerische Thunersee entlang gführt. Herrlech! Bi däne Felswänd u de zahlriche chline Tunnel het mes umi mau so richtig chöne lah krache! De MINI-Sound macht haut scho süchtig!!! *sabber*

Hoch obet em Thunersee bim Rest. "Luegibrüggli" hi wir de e Haut gmacht. Vo det us het me e super Ussicht ufe See ud Bärge!




Nachem gmüetliche Klatsch und Tratsch si wir de langsam umi zrugg: Ar Seepromenade entlang u über Land zum Startpunkt in Flamatt.





De Saisonstart isch glückt! Glube wir hi alli chli Bluet gläckt u ab jetz hautets awäg umi niemer meh dehei us we am Wuchenänd schön Wätter isch! ;-)

Samstag, 13. Februar 2010

Februar-Höck

Höck Nr. 2 vom 2010, de erst vom Jahr in Niederbipp u de letscht vor de GV.

Am 18.00 hi sech de Rotsch, de Pascal u ig troffe zum zäme häredsfahre.

Im Rotsch si Chocolate-Clubby isch scho parat gstane woni bim Pascal acho bü.

Über d Hauptstrasse si wir richtig Lyss gfahre wo bereits s Pinki u de Yves uf üs gwartet hi. Via Büren an der Aare gits nach Niederbipp.

Det si diesmau weniger Lüt gsi aus o scho. Zum Teil sig schins i töune Regione ds Wätter ud Strasse zimlech schlächt gsi. Verständlech, dass me da lieber dehei blibt. Dennoch isch es umi a gmüetlicha Höck gsi. De Dome het sini neuste Kreatione für d Standliechter vom 56er präsentiert, ds Ässe isch wie ging fein gsi, die Anwesende guet glunt ud Zyt isch im Eiltempo verbi gange.

d Heifahrt isch uf jede Fau frostiger gsi aus d Stimmig am Höck! ;-)
Ds Flamatt bir Autobahnusfahrt sis no -11°C gsi, de isch es im 10-Sekunde-Takt es haubs Grad abe gange bis am Schluss...

sagehafti -15.5°C!!! Wo blibt d Kimaerwärmig we me sie cha bruche??? Ha mer ja scho fasch müesse Sorge mache dass s Benzin igfiert! ;-)

Aber de Tüüfu isch tapfer u näheret sech ganz näbebi langsam aber sicher am grosse Jubiläum, d Schallmuur vo 100'000 km isch in grifbarer Nähi.


17.00 in Courtepin

Courtepin - det woni schaffe - isch mengisch scho chli speziell....
Es bsunders Phänomen isch d Kirche. Es isch Punkt 17.00, d Glogge lüte genau 5x wie sechs ghört. Aber e Blick vor Bank us uf d Uhr u me stunt nid schlächt.


Itz hets doch grad füfi gschlage... die eint Uhr zeigt aber 17.05, u die uf de anderi Site scho fasch 17.10 an.... was stümmt jetz???
Ds Beste dra isch: Das isch eigentlech ständig so bi der Kircheuhr. Die het glubi i däre Zyt woni jetz det schaffe no nie richtig funktioniert. Zum Teil het sie sogar komplett falschi Zyte azigt. Da isch es o scho vorcho, dass e Chund am 11.30 total usser Atem id Bank ds springe cho isch wü d Uhr bereits 11.59 azeigt het u er gmint het dass mer itz de grad zue tüe. ;-)
Aber irgendwie passts zu Courtepin: Chli anders als anderswo u scho gar nid perfekt, aber ufene Art sympathisch.