Mitum Säbi unterwägs

Hüt hani ke Schu, wü hinacht ds Französisch isch woni nid us Zuesatzfach gnoh ha.
Statt uf Bärn ds ga machi mer auso a gmüetlicha Namitag. Ha mit de Sabrina abgmacht für umi mau öppis zäme ds unternäh. Mi entscheide üs uf Friburg öppis ga ds triche, chli ds quatsche u no bitz ga shoppe.

Murten

Sit afangs Januar büni bis emu Mitti April ir Filale Murte, bevor i umi zrugg uf Courtepin gange. In Murte gfauts mer super, d Atmospähre isch toll, u im chline Stedtli füehli mi eh scho fasch chli wie dehei!

D Bank isch mitz im Stedtli, wos under de Laube vöu verschiedeni Gschäfter het. Grad underhaub vom Stedtli isch de Murtesee... Macht haut scho Spass we ds Wätter umi chli schöner isch!

ds Berntor im malerische Murte

Trendsetter?

Hoffe mau, dass das nid de nächscht Trend in Sache Autostyling würd... Het doch dä tatsächlech hinder u vor nid die gliche Fäuge uf sim voll krasse BMW, Mann ey!!!

1. Sis nid die gliche Fäuge

2. wer die vorderi, originali BMW-Felge vöu schöner aus die kitschegi Fäuge hinder

3. isch die hinderi grösser aus die vorderi...

e riese Katastrophe auso! Uf jede Fau wetti mit däm Auto nid müesse umafahre! ;-))

Lieber a chline "bescheidene" MINI, wo wenigstens 4 glichi Fäuge het! *lach*

2x Schalleberg retour

S Wätter isch umi fantastisch, dusse isch früehlingshaft warm, perfekts Wätter für es chlises Usfährtli. Mi Cousin, de Pascal fahrt ja mittlerwile o nüme Porsche, sondern Cooper S Works, Zyt auso, dass mer mau zäme chli umedüse. Sogar de Spaci macht de wit Wäg us Nidwalde zu üs. Churz vor 13.30 trüfft er bi üs i. Dernah fahre mer richtig Schwarzeburg woni no schnäu e Tankstopp muess mache. Via Thun gömer dernah ufe Schalleberg. Leider hets zümlech Vercher u scho baud simer uf de Passhöchi. Wü d Kurve aber so cool si, entscheide sich de Spaci u i nomau abe ds fahre u grad nomau die Kürvli ds absolviere, dismau ohni Vercher. De Kompressor pfifft umi mau ide schönste Tön. Hach, das macht doch ifach Spass! Ab i Drehzahlbegrenzer und Zack, de nächscht Gang drin.

Alles im Blickfeld: Ds Tüfeli u vor mier de Pascal, im Rückspiegel de Spaci.

Fasnacht in Bulle

Es isch Samschtig, de 26. Januar... bi üs hets Näbu, drum fahre mer richtig Bulle, det isch super Wätter! Muess mer no es Köfferli chufe, d Schusache hi definitiv ke Platz meh imene Rucksack. Zuefälligerwis isch det o no grad Fasnacht.... Gugge mer haut däm Umzug o no chli zue! ;-))

Am Abe platzi meh oder weniger unagmäudet as Geburifest vor Fabienne iche. E Tipp vor Madlen. Det tüe mer bi Cremeschnitte u Red Bull (tönt komisch ;-)) über d Wäut diskutiere.

Feischterplatz

Bi üs ir Schu bechunsch am Feisterplatz tatsächlech nüd vom Unterricht mit. D Ussicht usem 8. Stock isch eifach fantastisch. Vor ihm d Stadt Bern u im Hindergrund d Bergchetti...

grad nomau

u wüs so cool isch gsi, grad nomau! Hinacht hani mitem Michu für ads Barstreet abgmacht. Zersch himer aber no Bsuech vo Bekannte wo für ds Nachtässe chäme. Es paar lustegi Diskussione inklusive!
Denn so ca. am 21.45 machi mi ufe Wäg nach Bärn, ide Hoffnig, dass i kiner Lüt meh chrüze vo de unbewillegti Anti-WEF-Demo wo de ganz Tag ir Stadt isch gsi. Uf jede Fau chumi heil mitem MINI dedür u churzi Zyt speter simer bim BEA-Gländ usse am Barstreet. Irgendwie isch d Stümmig nid ganz so guet wie gester, aber mi hi emu glich a gmüetlicha Abe.

Barstreet in Bern

Fritig Abe, i ha Chopfweh u chönti schlafe. Bravo. Debi hani doch mit de Chantal abgmacht für uf Bern ads Barstreet. Was söus, i entscheide mi glich ds ga. Zum Glück! Isch nämlech a super Abe gsi! Bis spat oder früh am Morge (je nach dem wie mes gseht! *lach*) himer gfieret! U wär me det nid aus trüfft.... de Michu het sech no zu üs gsellt, d Tanja isch det gsi, d Sändla vor Klass, de Spacefiller-Dome vom MPC, d Katja hani umi mau gseh und und und...

d Silvie ud Chantal

Churztests zum Zweite

Am Donschtig isch es umi mau so wit gsi. Churztests in Statistik u Rechnigswese. Ds Level isch scho dütlech höcher aus no letscht Mau. Bü ja ufs Resultat gspannt!

Immer wieder Mittwochs...

.....macht de Smart nüi Bekanntschafte.... dismau mit Verwandte! *lach*

Willkomme im Club vo de Querparker! ;-)

Xiro-Abe

Samschtig Morge, 11:52: Speedy steht auf! *lach*

Nacheme Zmorge chunt o scho de winti vor Arbit zrugg. Irgendwie vergissi d Zyt totau u uf ds mau isch viertu ab drü, u debi setteni doch am 17.00 umi dehei si, hinacht chäme doch no d Xiro-Lüt! ;-)
Auso nüd wie ab is Outo u uf diräktem Wäg vo Winterhtur nach Wünnewil.

...u da si sie scho:

vo lings: D Rita, de Roger, d Fabienne, de Elmar, d Tanja ud Daniela

hie noamu mit mire Wenigkit ufem Foto! ;-)

Bimene Pastaplousch u Chartespöu verzölle mer umi mau vo de Zyte wo mer no alli ide Lehr si gsi, das isch denn no öppis gsi! ;-)

11.01.08: It's Höck-Time!

Es isch umi mau de zweit Fritig im Monet... das bedütet: MINI Höööööck!!!! *freu*

Wü üsers Stammlokau Betriebsferie het, gömer dismau uf Ottikon ines Restaurant. Diräkt nach de Arbit fahri in Murte los richtig Deitingen wo scho de Dominik alias Spacefiller uf mier wartet.

ds Zweit nämer die nächscht Etappe uf üs... in Aarau West gsellt sech no de Pämsu dezue und witer gits ohni Halt bis Ottikon.

Det acho, trüfft o grad de Mike mit sim Clubby u de Reni mitem White-Baby ii. Womer no churz dusse chli am diskutiere si, gits uf ds mau e Knall u ma kört Splitter. Fragend lufe mer zum MINI vom Reni, wo de Lärm härcho isch u gseh, dass sini Heckschibe i tusig Teili zersplitteret isch. Fragend gugge wir üs an. Ke Ahnig was da passiert isch! Zum Glück het de winti Chlebband debi. Notdürftig decke mer d Heckschibe demit ab, so dass de Reni wenigstens nachem Höck no cha heifahre.

Dine im Restaurant. Vo lings: De Pät ude etifumi, beid ds erste mau debi, u no ds Nati

Nati und Heidi

de Pämsu uds Nicci

de Dani, winti ude Pät

u o de Kusi zigt sech vor charmante Site! ;-)

am hindere Tüsch: De Dominik, Mike ude Yves anere gaaanz wichtegi Diskussion

So gäge Mitternacht gö die einte himwärts u die andere zie no witer ine Bar. Isch a coole Abe gsi!

Vorbildsfunktion?

Jaaa, ir Stadt Bern gits tatsächlich e Fahrschuel wo me miteme Porsche Boxster lehrt fahre.... übrigens het die glichi Schu no es MINI Cooper Cabrio wo gross als "VIP-Car" agschrübe isch! Das isch aber nid de Grund wärum i das Foto poste.... interessanter a däre Sach tüecht mi doch, dass das Fahrschuauto erstens ufem Trottoir u zweitens diräkt hindereme Anhalteverbot-Schild parkiert isch... seeeehr vorbildlich! ;-))

Klein-Smartie macht Bekanntschafte

Ufem tägliche Arbits- und Schuelwäg trüfft me ja mengisch so einiges an....

Am Mittwuch Mittag woni bim Bahnhof Flamatt uf de Suechi nacheme frie Parkplatz bü, gseh ni doch da no a Lücke zwüsche zwü Outos... aber irgendwie gseht de chli Smart näbe däm riesige Chevrolet Suburban doch echli verlore us... Ide Hoffnig, dass de Fahrer vo däm Monster bim losfahre mi Smartie nid überseht, hani ne de glich mau näbedran gstöut.


uf jede Fau fühlt er sich näbem schwarze Cooper in Murte sichtlich wohler! ;-)

Dä stit übrigens jede Tag det.... u chunt ersch no vor glichi Garage wie mi MINI, wer ja glacht! Am Mentig nümi e Flyer vom MPC mit, i de Hoffnig vor Fahrerin (isch e Sie, hani im Autoindex scho gseh! ;-)) mau öppis ds köre!

Bsuech us Nidwalde

Am Samschtig so gäge 14.00 trüfft de Spaci bi üs dehei ii. Ds Wätter isch leider aus andere aus rosig, aber nachdem mer chli füre MPC ir Gägend umetelefoniert hi, entscheide wir üs glich, no as churzes Fährtli zum Schwarzsee ds mache.

Nachdäm mer umi dehei acho si, ässe mer as feins Fondue u gö anschliessend no mit de Chantal u ire Kolleg uf Bärn i Chino. As luft "Warum Männer nicht zuhören - und Frauen schlecht einparken". Nid sehr tiefgründig, aber amüsant isch es allemal. ;-)

*kugelach*

http://www.youtube.com/watch?v=CEmvbh42ykQ

Da bruchts ki Kommentar meh... ifach zum grööle! ;-)

Ergäbnis vor Umfrag

Dass MINI United für die meiste DÄ Event im 07' isch gsi, erstunt glubi nid, was mi aber freut isch, dass d Westschwizer-Rundfahrt anschinend doch rächt guet acho isch (trotz chlineri Fehler im Zytplan *hust*).... Bü uf jede Fau am gugge, für dises Jahr o umi as Fährtli i mire Region ds organisiere, mau gugge, ob umi es paar Lust hi, debi ds si! :-)

Fertig lustig

Nachdem i am erste u zweite Januar meh oder weniger haub komatös irgendwo umegirrt bü, isch jetz umi fertig lustig! Ab uf Murte ga schaffe! Ma würdi mine, d Lüt hetti die paar Tage ohni Bank fasch nid überläbt. Uf jede Fau gits ganz schön stressig zur Sach, am Donschtig gits ke frii Minute, um alli Buechige chöne ds mache chürze mer üs sogar de Mittag. Naja... irgendinisch beruhigt sech o das umi! ;-)

Kafiklatsch

Am zweite Januar si de Michu u i bim Pascal, mim Cousin, u bir Simone am Namitag zumena Kafi iglade. Zäme stosse mer no uf ds nüe Jahr an, fachsimple bitz über Autos, vorallem natürlech übere MINI, u mache üs a gmüetlicha Namitag.

Alles neu macht der Januar

Villicht hit ers scho gmerkt... ha ufs nüe Jahr hi as paar Änderige gmacht i mim Blog... bi de Farbe büni no chli am umetüftle, ab sofort gits statt lengwiligi Date e richtige Titu u statt hochgstochnigs Schriftdütsch irgend a Mischig us Friburgerdütsch u anderne Dialäkt i de Hoffnig dass mu mi wenigstens a chli verstaht! ;-)

Silvester in Schwellbrunn

Da druf himer doch scho alli lang gwartet, hinacht fiere mer es paar vom MPC zäme im Feriehus vo de Arianes Eltere Silvester. Mit debi si de Spaci, Reni, Nicci, Sven, Katja, Daniela, Chrigi u natürlech de Winti ud Ariane.

Bim Frässbauke träffe de Spaci u i ufe Reni

Irgendwenn nach de 18.00 chä mer in Schwellbrunn an.

D Ariane als Telefonistin! ;-)

Bimene feine Raclette mit allem Drum und Dran hi mers so richtig gnosse

D Ariane dismau aus Fotografin statt aus Telefonistin! ;-)

öööehm..... ohni Kommentar

de Pool grad näbe de Lounge womer gässe hi isch ifach de Hammer gsi!
Uds Wasser so schööön warm!

Jaaa, genau... scho baud simer im 08!

Dessert zum Erste:
d Daniela het feini Brownies für üs gmacht, natürlech im Checkered-Design!

Churz nach Mitternacht het die obligati MINI-Light-Show nid dörfe fehle!

Dessert zum Zweite:
de Spaci verwöhnt üs mit vöune guete Sache

As paar Malibus speter isch so ca. am haubi vieri mau Zyt für is Bett....

de Reni u de Spaci teile sich as Zümmer

ds Nicci het de Jocker zoge u darf es ganzes Doppubett für sech allei ha!

u o mis Schlafzümmer isch meh aus nume a Notunterkunft!

d Früd am Schalfgemach isch aber vo churzer Duur. Am Morge am Achti versammlet sech die ganzi Blasmusig vo Schwellbrunn vor mim Feischter u weckt üs mit Musig

Ach ja übrigens... nume so im Fau... em Reni si Range Rover HSE isch zum verchufe! Wär interesse het, eifach mäude!

Hie no as Foto vo däm Prachtsexemplar: ;-))

Meh vo üseri Party gits hie:
- http://winticoopers.blogspot.com/2008/01/happy-new-year.html
- http://dstation.blogspot.com/2008/01/silvester.html
...u da chunt de sicher o no öppis drin:
- http://minielectricblue.blogspot.com/

Uf jede Fau as riiiiese Merci a alli u vorallem o ad Ariane u em Winti wo aus so toll organisiert hi!!!!!

Sonntag, 30. Dezember 2007

Gegen 19.00 Uhr hat Chantal zur Geburtstagsparty eingeladen. Die Stube ist voller Leute und bei Tiramisu und vielen anderen Köstlichkeiten feiern wir gemeinsam. Später gehen wir noch zu sechst nach Muntelier bowlen und anschliessend trinken wir noch was im BB Murten. Happy Birthday to youuuu!!!! =)