De Schalleberg rüeft!

Am Suntig isch die erst "grösseri" Spontanusfahrt vom Jahr ufem Programm gstane. Klar hets üs ufe Schalleberg verschlage. Die grosse Päss si ja no zue u de Schalleberg genau richtig für scho mau chli ds richtige Kurvefeeling ds becho. Am 14.00 hi sech es paar vom MPC ds Flamatt bir Comet troffe. O das het ja scho fasch chli Tradition... ;-)

Mit debi gsi: Ig, ds Teri, Spaci, Reni, d Sandra mit de Schwester, de Kroki-Sandro, Yves, de Björn, de Rotsch u de Pascal het o no churz ds Flamatt verbi gugget.

ufem Schalleberg obe acho, hi wir üs de es Dessert gönnt. Zum Glück hani no reserviert ghäbe, ds Restaurant isch nämlech umi bis ufe letscht Platz bsetzt gsi.

U so isch de d Zyt umi mau vöu ds schnäu verbi gange. Wir his ömu umi mau ganz amüsant ghäbe zäme. Isch cool gsi mit euch, i freue mi scho druf, we de d Pässesaison endlech losgit! =)

Zermatt

Am Samschtig si wir zersch uf Zermatt u de no mitem Bähnli ufe ufs Cornergrat. Hie paar Impressione devo.

troumhaft, dä Usblick uf ds Matterhorn bi dem Wätter!