Zwüschehaut in Genf

Da deicht me nüd böses, reist nach Genf für ds Flugi nach Berlin ds näh, fahrt is Flughafeparking und denn..... uf ds mau as bekannts Auto....

em Denny si pepper-white Works!!!!

Ha ihm natürlech grad sofort es MMS mit däm Foto gschickt.... Wer ja jetz no sone Sach gsi we är o uf Berlin wer.... aber dem ist nicht so. Naja, London isch ja o cool! :-)

Aber mi si no chli früh dran, es längt grad für no chli uf Genf a See ds ga....

öööehm... logisch, oder?!

hmmm... ds erste mau e R8 in freier Wildbahn entdeckt...

Zrugg bim Flughafe gits ads Check-in ud Reis cha losga!

Auto Show in Fribourg

Wie jedes Jahr findet o dismau churz nachem grosse Salon in Genf in Friburg d Auto-Show im Forum statt. Händler us de Region präsentiere ihnes nüe Modell. Fürchterlich ufgregt hani mi ab de Garage wo BMW u MINI usgstellt ghäbe het. Det isch es Päärli mind. 5 Minute ume Clubby glüfe, icheghocket, Kofferrum betrachtet, Prisliste studiert.... minsch det wer e Verchäufer ga gugge? Die si vöu lieber um d BMW stolziert.... Am liebste weri däne beidne dä Clubby grad ga erkläre, aber isch ja leider nid mi Job! ;-)

Bruefsbildner

Yeah, endlech Ferie!!!!! Aber vo usruhe isch vorersch no nüd gsi! Vo Mentig bis Mittwuch Mittag hani de Bruefsbildner-Kurs vor HFW gmacht. Normalerwis duuret die Usböudig 5 Täg, wü wir aber d HFW mache, chimers imene verchürzte Verfahre innert 2 1/2 Täg mache. Die Glägehit hani natürlech gnützt! Mi hi ächt e gueti Gruppe ghäbe! Mentig u Dsischtig himer de ganz Tag Kurs im Schulhuus ghäbe u am Mittwoch Morge simer zur WIFAG ga gugge, wie bi ihne d Selektion vo de Lehrlinge vor sech git u wie sie ihnes Lernendi tüe usböude.
Aschliessend wärde üs zum Abschluss no d Uswise überreicht u i bü jetz hochoffiziell Berufsbildner (früener het das mau Lehrmeister ghisse....)! :-)

Friburger Fraktion

Immer wieder Sonntags....

Nei, i stümme da nid irgend e Schlagerparty füre Hans an, sondern mine d Usfahrte vo mier, em Rotsch, em Päscu u immer öfters o vom Spaci, üsers Ehremitglied ir Friburger Fraktion! ;-))

Isch ächt cool, macht är de leng Wäg ging uf sech, nume um chli mit üs chöne ds race. Aber Spass hets umi mau gmacht! Über Umweg simer richtig Schalleberg (da Gurnigel u Jaunpass leider no im Schnee versinke...) gfahre u vo det us no über ds Chuderhüsi (hisst würklech so!!!). Hammer Strässli det! Da chönti tagelang fahre! De Abt-Audi A6 het emu ke Chance ghäbe gäge üs, genau so wenig wie de Töff wo mer hindernache isch übere Schalleberg! ;-))

Hie no as paar Fotos:

Nachdem de Rotsch no richtig Kirchbärg abboge isch u de Pascal für hei d Autobahn gno het, si de Spaci u i no dür d Stadt Bärn u aschliessend no chli hinderdüre em Forst entlang bis zu üs hei.

Het ächt Spass gmacht, ha dä grell Pfiffton vom Kompressor no ging i de Ohre, ach so schööön! ;-)

Donschtigstour

Donschtig Nami, i ha bis am 17.00 Zyt, dernah muess i no uf Friburg ane Sitzig vor Kantonalbank. Ds Wätter zigt sech usnahmswis umi mau vor schöneri Site u o ds Thermometer stigt langsam gäg die 10 Grad... Das schreit dernah, wieder mau de MINI füre ds hole. Nachdem i schnäu no uf Flamatt öppis gange ga erledige, machi es chlis Tüürli querfeldein mitem MINI. Eifach mau vor Houptstrass abbiege und d Näbestrasse näh, ohni Navi, ohni Plan, nume de Wägwiser nache. Zwüsched Bern - Neuenegg - Mühleberg gits tonnewis settig kurverichi chlini Strässli. Hie chline Fotobricht:

d Boustell vom nüe Shopping-Center Bern West. Ganz im Stil vo Sihlcity enstit da es Mega-Center

Let the rallye begin! =)

Troumhaft, nume de Tüüfu u i u die Ussicht. Ke Vercher, eifach Fahrspass pur!

Fotoshooting in Gümmenen:

Zwüsche Gümmenen u Laupen hets e markanti Brügg wo d Zuglinie drüber füehrt. Kurzentschlosse biegi det mau uf ds Feldwegli ab, stelle de MINI zwüsche zwe Pfilere vo dere Brügg u knipse los. Leider isch de Tüüfu aus andere aus suuber u d Cam isch nume die vom Handy, het aber glich es paar schöni Fotos gä:

Nach däre Exkursion ufem Fäudwäg isch am Samschtig definitiv Wäschtag füre MINI! ;-)

Es isch Früehling!!!!

Woran erkennt me am beste, dass vor wenige Täg de Früehling agfange het? Geeeenau, am Wätter! U am Mentig Morge het das bi üs eso usgseh:

sovöu Schnee hets glubi de ganz Winter nid ghäbe

Obwou de MINI im Unterstand isch, hets ne tüchtig zuegschneit.

D Schlussfolgerig: MINI Fahre isch momentan nid möglech, da bereits d Summerpneu druf si, de muess haut de Smartie Sonderschichte mache! ;-))
...u o dä isch chli is spuele cho woner bim Parkplatz ds Murte i Tiefschnee het müesse. Het de chli Cheib gross bluffet und drifted wiene grosse mit sim Heckatrieb! ;-)

allerlei

De Tüüfu ds Murten ufem Parkplatz

Bir Bern Are.. ääääh... Postfinance-Arena stit zurzit de grösst Kran vor Schwiiz.

Bean Teddy am Relaxe bi mier dehei ;-)

pinki het o e Smart us Zweitauto???

...u was macht sie eigentlech ds Murte? *überleg*