"Always open"

Il Grissino

Gester, Samschtig de 27 Juli.

Eigentlech wer uf de Clubagenda Europapark itrage gsi. Da aber ds Wätter meh schlächt aus rächt usgseh het ud Prognose für Rust de ganz Tag "Schauer" akündet het, hi wir üs entschlosse, dass das wortwörtlech is Wasser gheit.

Statdesse hani vo 08.45 - 16.45 es Seminar über Sozialversicherige dörfe gniesse wo mer vor Schuel us ghäbe hi. D Dozentin hetti optisch de verchleidet Hape Kerkerling i inere vo sine Rolle chöne si u gredt het sie öppe so flüssig wie de Moritz Leuenberger. I ha mi uf jede Fau köstlech chöne amüsiere.  ;-))

Am Abe hi de ds pinki, de winti u ig spontan entschide, dass mer glich umi mau öppis MPC-mässigs chönti mache u so hi wir üs de am 19.30 troffe für ds Bern is Grissino ga ds ässe. Ufem Wäg det häre het de (B)engel no grad es chlis Jubiläum chöne fiere:

2'000 km!!! Das bedütet, d Ifahrtzyt isch jetz definitiv verbi u es dörfe ruhig o mau meh aus 3'500 u/min si. I frage mi eifach für was... meistens büni scho so ging rächt zügig underwägs gsi. ;-)

Uf jede Fau hi wirs üs im Resti so richtig lah guet ga. Ds Ässe isch, wie immer det, mega fein gsi. Ufs Dessert hi isch de no de Reni zu üs gstosse. Nachdem sich ds Restaurant nach und nach ging meh gleehrt het, hi o wir üs de o mau entschide, langsam ds zahle.

Zrugg im Parkhuus hi wir de no chli üser MINIs müesse bestune, schliesslech gits ging umi nüi Sache ds entdecke! ;-)

D Zyt isch umi mau extrem schnäu verbigange. Nachdem mer öppe no e Stund im Parkhus witerquatschet hi, hi wir üs de öppe am 01.00 langsam mau verabschiedet.

O weni das fasch jedes Mau am Schluss vomene Bitrag übere MPC schribe... Lüt, es isch ifach umi mau super gmüetlech gsi mit euch. Das het mer so richtig guet ta mit dem ganze Schuelstress woni momentan ha. I has so richtig gnosse mit euch! =)

JCW-Cabi

Ohne Worte...   ;-)

Juni-Höck

De erst Höck woni mitem Cabi cha ga. Wie lang hani uf de Moment gwartet?! Zum Glück het sogar ds Wätter einigermasse mitgmacht, ha emu offe chöne fahre. Wie letscht Monet isch ab Niederwangen wieder d Lea mit mir mitcho u de simer no uf Lyss gange zum mitem pinki im Konvoi chöne ds fahre. Ab Grauholz isch de Denny o no mit üs mitgfahre.

De Höck isch umi mau extrem churzwilig gsi. De Saal isch voll gsi. Ca. 50 Lüt müesse das gsi si! Wow! Nid schlächt! Es macht ifach jedes Mau wieder Spass. Lüt, wir si e coole Huufe! Me gseht sech spätestens nächscht Monet umi! =)

Die erste Usfahrte...

...mitem Bengel.

Grad am erste Wuchenänd starti zumene chline Fährtli mitem Rotsch u am Pascal. Als Bifahrer hani mi Vater debi, i ha ihm versproche übere Gotthard ds ga wo ersch paar Täg vorher ufgmacht het. Det gseht me no die grosse Schneewänd vom Winter här.



Am 1. Juni si de spontan es paar MPCler zäme cho für a Usfahrt ds mache. D Ueberraschig isch natürlech gross gsi woni mitem Cabi ufe Platz gfahre bü, es hets ja schliesslech no niemer gwüsst. Ds topo het sogar grad ires Troum-GP lah stah u isch bi mir als Bifahrerin igstige. Isch e super schöne Tag gsi. D Route het üs id Region vom Vierwaldstättersee gführt. Isch würklech mega gmüetlech gsi, i has i volle Züg gnosse.

(B)engel

Nach langem Hin- u Her u endlose Konfiguratione hani mi de am 16. März inere schwache Minute entschide, bir Garage Marti bim Antonio mi Troum definitiv ds bstelle: Es brandneus MINI John-Cooper-Works Cabrio! 211 PS, 280 Nm u kes Dach überem Chopf, was chas schöners gä?! Doch vorher isch ds grosse Warte losgange. Produktionswoche 20, das hisst, de MINI sett ide erste Wuche Juni bereit si zur Uebergab. Das hisst, es wird nüd für mitem Cabi uf Silverstone ds fahre....

30. April... i gange schnäu de Tüüfu id Garage ga ziige wü ni ds Gfüu ha d Kupplig sig irgendwie chli komisch, u i wett ja ohni Panne chöne as United u zrugg fahre... Nachdem de vor Werkstatt nachere Probefahrt mint, die sig no ok, gani schnäu am Antonio ga sälü säge. De sit er mir uf ds mau es gäb es Problem mitem Cabrio... jetz sig genau das passiert wo mer eigentlech hetti welle vermide... Was???? Isch ds Schiff undergange? Isch er vom Lastwage gheit? Was isch ächt passiert? Sini Antwort: Ds Auto sig vorem JCW-Aero-Kit da... "Kes Problem", säge ig. De chani ja am Afang haut no ohni Aero umefahre... Antnio: "Es isch ebe so..... ds Auto isch scho da...." WAAAAAAAS? 30 April? De wer doch eigentlech no gar nid produziert! De Zuefau hets welle, dass de Termin gäg vor verschobe isch worde, jetz isch "mis" Cabi bereits in Niederwange! U so het das denn ir Lagerhalle vor Garage Marti usgseh:

irgendwie no ganz brav u unschinbar.... 

Paar Wuche später hets de chli anders usgseh... Am 29. Mai, aso praktisch e Monet später, isch de gross Moment da: I darf de (B)engel ga abhole! Jetz inkl. Aero-Kit, iPod-Aschluss und Carbon-Interieur, die drü Sache hi sie nämlech ir Garage no nachträglech müesse montiere wüs nid Sonderusstattig, sondern Zuebehör isch.

25 km ufem Tacho u bereits 7 Minute ufem Always-Open-Timer, so faht hoffentlech e lengi u schöni Story an.

Dehei acho, wird grad Bekanntschaft gmacht zwüschet em Tüüfu u am Bengel... die beide dörfe näbenand blibe, i has eifach nid übers Härz bracht, de Tüüfu wäg ds gä. Jetz müesse sie sech haut ds Kennzeiche mitenand teile! :-)

Paar Täg später wird de Bengel scho mau offiziell i Club ufgnoh. Näb de "John Cooper" Unterschrift bechunt er o grad es MPC-Nümmerli.... MPC 0017!

Bi gspannt wie de wird abgah we ni die erste 2'000 km hinder mer ha. Vorher gits nid meh aus 3'000 u/min, oder im Unahmefau we ner schön warm isch o mau bis zu 4'000 u/min. Im Handbuech stit dass me sogar bis 4'500 u/min dörft... aber irgendwie hani no gar nie so wit chöne dreihe ohni dass i nid wieder ihne vor mer ghäbe ha woni fasch hett müesse astosse.  ;-)

Uf jede Fau gniessi ds oben-ohne fahre extrem, macht riesig Spass!!!!  =)

MINI UNITED 2009 - Rückreise

Montag Morgen, 25 Mai. Zeit, die Rückreise anzutreten. Vorher blieb noch Zeit, ein letztes Foto vom Hotelparkplatz zu machen. MINIs soweit das Auge reicht! =)

Wir fahren wieder die selbe Route bis nach Dover. 

Dort haben wir bereits wieder die Fähre gebucht um zurück nach Calais (F) zu gelangen. Alles verläuft reibungslos und wir können sogar die Fähre eine Stunde früher nehmen als wir eigentlich reserviert haben.

In Calais angekommen fahren wir wieder zum selben Hotel in Coquelles wo wir bereits bei der Hinfahrt übernachtet haben. Bei der Ankunft herrschen sommerliche Temperaturen und strahlende Sonne. Ein paar von uns entscheiden spontan an den Strand zu gehen. Ich kann mit Swen in seinem JCW-Cabrio mitfahren. Schnell noch die kurzen Hosen, Sonnenbrille und Hut montiert, Cabriodach auf, dann kanns losgehen. Allerdings ist die Freude von ziemlich kurzer Dauer. Wir sind noch nicht richtig losgefahren tauchen dunkle Wolken auf. Die Temperatur sinkt in kurzer Zeit um über 10 Grad auf gerade noch 15 Grad.

Beim Aussichtspunkt angekommen wo wir den Strand bereits sehen können, fängt dann auch schon das Gewitter an. War wohl nichts mit Baden im Meer. Dafür sieht jetzt die Natur um so eindrücklicher aus.

Während der ganzen Nacht gewittert es noch weiter. Am nächsten Morgen als wir weiterfahren ist aber der Spuck mehr oder weniger vorbei. Unterwegs kommen wir zwar mehrmals in eine Gewitterzone mit zum Teil mehr oder weniger heftigem Regenfall, aber anscheinend sind wir ziemlich glimpflich davongekommen. Bei einer Raststätte in Frankreich war nämlich ein ganzes Gebäude geschlossen. "Wegen dem Gewitter von letzter Nacht" stand beim Eingang.

Gegen Abend treffen wir dann wieder in Pratteln ein wo sich unsere Wege wieder trennten. Noch ein letzter Abschied und dann gehts zurück nach Hause. Mit vielen Erinnerungen an ein tolles Wochenende mit tollen Leuten. See you at MINI United 2011 in .....???  ;-)

Übrigens: Mehr Fotos und Eindrücke vom MINI United 2009 findet ihr auf Facebook unter den Profilen der MPCler!  =)