Wake & Jam und Jazz-Parade

Am weekend vom 2., 3. u 4. Juli isch im Kanton Friburg ganz schön öppis los gsi. In Murte isch ds Wake & Jam gsi u in Friburg d Jazz-Parade.

Am Fritig nachem schaffe (ha die ganz Wuche mit de Chantal in Kerzers gschaffet) si d Chantal u ig grad direkt bis zu ire hei u ds Fuess ads Wake & Jam am Murtesee. Sie het vomene Bekannte zwe VIP-Itritte fürs ganze Wuchenänd becho, die hi wir natürlech gnützt!

Am Fritig isch under anderem d Steff la Cheffe ufträtte.

Am gliche Abe isch aber no Senslerabe am Jazz ds Friburg gsi. Das mitem Live-Uftritt vom Lokal-Matador Gustav. De sorgt ging für super Stimmig, das o a dem Abe.

Gustav - Di Wäg / Ton chemin

Gustav - Bout du monde

Am Schluss vom Abe hani ömu de gnue Bändeli agha....

Am Samschtig Abe si mer de umi am Wake & Jam gsi. Uf de Bühni: Delinquent Habits us Amerika!

Delinquent Habits live

Am Suntig si de wieder chlineri Näme uf de Bühni gstane, was aber nid bedütet, dass es schlächteri Musig isch gsi. So zum Bispöu de Schwizer Moritz. Bisher no nüd ghört vo dem, aber si Uftritt isch jedefaus überzügend gsi. Würd mi nid wundere, we me no meh vo dem würd ghöre!

Natürlech hets am Wake & Jam no vöu meh gä aus Konzert: Verschiedeni Food-Ständ, Shopping-Zäut, Wakeboardcontests und und und. Witzig isch o ds Katapult wo me sech het chöne lah i See spicke: