Let's MINI!

29. Februar

de 29. Februar isch e spezielle Tag, gits ja schliesslech nume au 4 Jahr... aber dass i däm Tag o d Autos chli speziell si hetti nid deicht....

Hüt am Morge ufem Arbitswäg hani mier aber eines besseren müesse la belehre....

de Renault Espace vor mier het uf jede Fau zümlech witzig usgseh wo im linke Rückliecht bim Bremse jedes Mau statt ds Bremsliecht de Blinker ufglüchtet het! ;-)

hööööö???

Gaaaaaaaahts no? Frächhit wasi da hüt ds Murte ufem Parkplatz entdeckt ha! Notabene ufeme Lancia Y, u nid amene MINI!!!!!

IS IT LOVE? Nei, ganz sicher nid!!! ;-)

1. Isch das e Slogan vo MINI u
2. het das nüd mit Sheepworld ds tüe u
3. no ersch rächt nüd amene Lancia ds sueche! *kugelach*

Aber i bü ja nid so u has mau schön brav am Auto lah si! ;-)

The day after.....

De Tüüfu staht im Dräck.....

...aber das chame ja wäsche, u de Spass isch unbezahlbar gsi!!!! =)

Gurnigel, wir kooooommmeeeeeeen!!!!

Agfange het aus mit de Idee, dass de Spaci u i hüt Suntig bi däm troumhafte Wätter wo sie gmäudet hi doch eigentlech übere Gurnigu chönti race...

De hani deicht, i tüeg das mau spontan is Forum, as chämi awäg glich niemer anders meh mit.... und ds Resultat gseht eso us:

10 MINIs u 1 Citroën!!!!!

Träffpunkt isch am 14.00 in Flamatt ufem Parkplatz vor Comet AG gsi

*lechz* Im Boardripper si MINI gseh ni jetz o mau bi Tagesliecht, Hammer!!!!

*sabber*

Bi Riffematt tüe mer umi mau ds Fäud zämmesammle! ;-)

Vo Guggisberg nach Zumholz füehrt mi ds Navi über es chlises Strässli wo ni mim Läbe no nie gseh han. Aber geil!!!! Kurve um Kurve, u ke Vercher! De Tüfu git aus u de Kompressor pfifft i de schönste Tön! =)

Bü mer aber fasch scho chli vorcho wie de winti in Italie... e richtige Adventure Manager! Ha nume ging ghofft dass d Strass bis Zumholz teeret isch! *lach*

Es paar Kurve witer simer ufem Gurnigel obe.

Bim Restaurant gönne wir üs a Verschnufspouse!

Pämsu u Pinki

de Chrigu u de Kumpel vom boardripper

boardripper alias Marc als Papparazzi....

Roger "Fresse schräääg" mitem Fränzi

d Sibylle, de Dome u de Guido gniesse d Sunne

....u hie nomau de ganz Rudel! *lach*

The MINIs are comming!

Ach ja, da war doch noch was, oder öppa nid?

"The boardripper MINI".... gseht bi Tageliecht no geiler us!!!!!

Volls Programm

Wow! Strahlends Wätter scho weni ufstah! Hammer! Das schreit nachere Usfahrt! Aber mit de Winterpneus? Irgendwie nid so toll.... Churzerhand höuft mer mi Vater am Morge no schnäu d Summerpneus druf ds tue. Wes no mau chunt cho schnie muess i haut de de Smart nä....

Schnäu zur Tankstell ga Benzin fülle u de Luftdruck überprüefe... Am 14.00 träffe mi Cousin, d Simone u de Rotsch bi üs dehei i. Ds dritt wimer hüt de Schalleberg in Agriff näh!

I als einzig mitem Kompressor-MINI muess mi gäge zwe Turbos bhoupte... De Tüfu git sich aber alli Müeh! ;-)

Ufem Schalleberg obe acho, genähmige wir üs öppis uf de Terrasse vom Restaurant.
Üser MINIs warte ir Zwüschezyt natürlech au schön näbenander

ööööehm... i ha de im Fau am Morge ds Auto gwäsche!!!!! =)

....het aber nid vöu bracht, wie me uf de Fotos gseht! ;-)

Nacheme Abstecher über ne Höger mit super Kurve zieh de Pascal u d Simone nach Bern während de Rotsch u i via Schwarzeburg d Heireis aträte. Coole Tag gsi! U em Rotsch si rote Cooper S gseht würklech o ganz cool us!!!!!!!

Für am Abe hetti eigentlech as Ticket für a Match Gottéron - Ambri... Ha scho sit Langem mitem Rohri abgmacht, dass i da mau debi bü we die zwo Mannschafte in Friburg gägenand aträtte. Allerdings het das ganze e chline Planigsfehler ghäbe. De Michu het am 23.02. Geburi u het dieses Jahr es Festli gmacht. Det hi mer a gmüetlicha Abe verbracht.

Semestertest

Am Mittwuch isch eigentlech a ganz normale Schutag gsi.... eigentlech!
Einzig chli Unterschied: Ir letschte Lektion himer de Semestertest vo BWL ghäbe. Shiiit, was die zum Töu gfragt hi! Jensits! ;-)
Nümmt mi ja gruusig Wunder was das für es Resultat git! Mi wärdes ja de gseh! Wahrschinlech nächscht Mittwuch!

MINI? Ne, BWL!

Suntig, schöns Wätter, trocheni Strasse: Das schreit nachere Usfahrt. Hüt aber nid! Stattdesse büffle d Monika u i de ganz Nami BWL. Eh ja, das muess o mau si! U ds zweit isch ds Lehre o nume no haub so schlümm. Obs öppis gnützt het wärde mer de am Mittwuch merke we mer i däm Fach de Semestertest hi.

nachem Works

So schad es o isch, aber jedi Testfahrt het mau es Endi u schweren Härzens muess i de Schlüssu vom Works umi abgä. Oke, zum Glück het d Farb ud Ustattig nid ganz minere Vorstellige entsproche, süsch wers mer no schwerer gfalle.

Dernah träffe sich de Michu u i no mitem Thomas wo mer vom Training in Flamatt kenne. Zämme fahre mer mit mim Tüfu uf Seelibühl wo mer öppis gönge ga triche. Allzu lang hi mer aber nid Zyt, am 18.00 chäme d Ramona, Tanja u Luzia zu üs ds Bsuech. Bimene gmüetliche ds Nacht rede mer über vergangeni Tage u gugge auti Fotoalben an.

Nachdäm sie hei gange si, zie de Michu u no witers nach Murte is BB. Det träffe mer no uf d Pam wo mit üs id Bruefsschu gange isch. Da gits natürlech ging einigi Sache ds verzölle we me sich nid regumässig gseht!

Isch a coole Tag gsi, we doch nume jede so wer! ;-)

Let's MINI!

Gester hani zum erste mau d Möglechkit ghäbe, de MINI Clubman probedsfahre. U natürlech grad als Cooper S mit 175 PS. Cools Auto! Vorallem dreihe sech d Lüt am Strasserand um als ob me miteme Ufo würd ds fahre cho. Isch haut vorallem bi üs no überhoupt nid präsent uf de Strasse. U mitem Union-Jack ufem Dach fallt er grad nomau es ganzes Stück meh uf. Leider isch er no uf schmale Winterpneus gfahre, was ide Kurve nid grad förderlech isch...

De Clubby ufem Parkplatz vo de Nachbare

Zrugg bir Garage mache de Kolleg u i grad "fliegender Wechsel" und tusche de Cooper S Clubman gäge ne Cooper S John-Cooper-Works. Sport-Button ein und los gits! Abartig, wie das Ding abgit! 192 PS u dank Overboost sagehafti 270 Nm ab 1'750 u/min verfehle d Würkig nid. Ds Fahrwerk isch allerersti Sahne, die Maschine isch e Kurvefrässer wie nis vorhär no nie gseh ha. Obwou üsers Modell mit de originale 205er, 17" RunFlats underwägs isch gsi. Glube da cha d Konkurränz grad vo vorherein ipacke! Meh Leistig brucht ke Mensch! De Turbo schiebt i jedem Drehzahlbereich gnadelos!

IS IT LOVE?

Ganz klar: YES, IT IS!!! I glube, i cha däm Teil nüme lang wiederstah! ;-)

Fürabeusflug

Donschtig Nami, i ha am Abe ke Schu....
U was machi? Hocke ufe Baukon u probiere BWL ds büffle.... allerdings lenkt mi de Laptop mit de MPC-Chatbox doch echli ab! ;-)
Am Abe gani no schnäu mitem Vater uf Niederwangen is Bauhaus.... natürlech mitem Hindergedanke dass es det vis-a-vis grad e BMW / MINI Garage het. Klar, muess i det schnäu ga ichegugge. Und scho chumi mitem Verchüfer is Gspräch. Fazit: Am Samschtig chani ga Clubman fahre (bü ne tatsächlech no nie gfahre!!!) u anschliessend no grad de nüü Cooper S Works.... "als Verglich", wie ärs nennt! Hmmm.... glube da chönti ganz schön schwach wärde, aber i würds ja niemaus übers Härz bringe mi Tüfu wäg ds gä!

d Story git witer

Dsischtig Morge... d Schloss isch notdürftig repariert, das setti mer auso nid id queri cho.... aber wo um Himmels wille isch mis Porte-monnaie?? Nachdem i di ganzi Wohnig durchsuecht ha, gani mau devo us dass es no im Auto isch. Det isch es aber o nid... heja, fahri haut glich mau los. Und wo isch es schlussendlech gsi? Ir Bank! Hani awäg vo luter Differenz sueche totau vergässe..... Dass i ohni Uswis umegfahre bü.... löh mer das mau! Isch ja nomau guet gange! ;-)

Das feht ja scho guet an...

De Mentig hetti besser nid chöne afah....

Am Morge bü ni eh scho ging knapp dran, aber dismau het ifach grad gar nüd welle klappe. D Hustüür chlemmt... Die wo letscht Summer in Holland gsi si wärde jetz lache... det hani mi igschlosse u bü nüme usecho, dismau isch es umgekehrt: I cha d Hustüür nüme abschliesse wü ds Schloss nid funktioniert. Na bravo... hartnäckig wie ni bü gibi ersch nach über 5 Minute u nachdem i alli Husschlüssle usprobiert han uf. Ufem Arbitswäg hets nüerdings no e Buustöu mit Ample, det stah ni natürlech o no an.... U wüs grad so schön is Schema passt stümmt am Abe d Kasse nid. Bis am viertu vor sächsi sueche mer d Differenz. Die isch nid ganz ifach ds gfüne, wü sie sich us mehrere chline Sache zämmesetzt womer de Tag dür so gmacht hi. Nachdem mer beid Kassene, de Tresor ude Bancomat alles kontrolliert hi, chunts de zum Glück füre! Das änderet aber nüd meh ar Tatsach dass i ersch am 18.15 dehei achume. Usgrächnet Hüt! Wo doch ab de 18.00 mini Firmgotte mit ires Familie zu üs chunt cho ds Nacht ässe!

Het mi emu gfreut, sie umi mau ds gseh! Mi his gmüetlech u lustig ghäbe mitenand!

Grad aschliessend chunt no e Bekannti verbi wo momentan ds KV macht u gfragt het obi bimene Bewärbigsbrief chönt häufe. Am 21.30 chumi de schlussendlech no dezue, under d Dusche ds stah! ;-)

Sunntigsfahrer

Suntigsfahrer müesse nid ging Schliicher si.... es chi o zwe rasanti MINIs si! *lach*

Bi däm super Wätter ziehts ihm eifach use u de MINI sehnt sich förmelch nach Kurve. Zäme mit mim Cousin, em Pascal, u sire Familie hets üs richtig Thun verschlage.

Ds gemeine isch ifach dass är uf Summerpneus cha umekurve u i mit de Winterpneus hindernah düse, aber Spass macht es allemal!

Hie üser zwü Bijous in Thun:





Sogar füre Alain hi mer no öppis entdeckt! Nume no liecht tarnet fahre in Thun bereits die erste Exemplar vom brandnüe Subaru Impreza WRX STi ume! Dass die ihnes Erlkönige so gross mit "STI" tüe aschribe dass es de o ja jede merkt erstunt mi zwar scho, aber me cha di typischi Subaru Form doch zwifelslos erkenne, oder?! *grins*

Generauversammlig vom MPC

Am Fritig isch es sowit gsi. Die jährlechi GV vom MPC!

Zu dem Zwäck träffe mir üs scho am 19.00 bim Restaurant Schoren in Mühlau.

Ufem Wäg det häre gits aber no paar Zwüschestopps.

Zersch in Flamatt wo de Tüfu no chli Benzin brucht u gwäsche würd.

Denn in Deitingen, wo de Spacefiller scho uf mi wartet

u zu Gueter letzt in Aarau West, wo sich de Roger alias "Fresse schrääg", ds pinki, de Pämsu, de Raymond, de Boardripper Marc u de Microcar bi üsem Konvoi tüe aschliesse.

Leider hets uf de Strecki Bärn - Zürich wie üblich umi mau Stou ghäbe, wü di guete Lüt anschinend ifach nid wüsse wo sech bi ihnes Auto ds Gaspedal befindet u dass es ir CH es Rächtsfahrgebot git... naja... het ja schlussendlech glich no glängt!

De Fototermin hingäge isch chli is Wasser kit. Schad isch scho dunku gsi, het nämlech sicher guet usgseh, so vöu MINIs ufem Platz!

D GV an und für sich isch dises Jahr meh oder weniger reini Formsach gsi. Alles isch ohni Problem dedürgwunke cho. Sogar i darf mi Poste aus Kassier bhaute! ;-)
Danke!!!! Mache das gär u freue mi, e Töu vom MPC chöne ds si, u das ersch no im Vorstand!

Dass sich de Kassier u de Event Manager id Haar grate hauti für es Grücht *pfeiff*

Haha, zum Glück isch das Foto ja nume gstellt! ;-)


Isch a gmüetlicha Abe gsi!

De West-Coast Konvoi bestehend us mier, de pinki, em Spacefiller u im Boardripper het sech de irgendinisch nach Mitternacht o umi ufe Heiwäg gmacht.

Let's MPC!

D Wucha im Schnäudurchlouf

Mentig: Disi Wucha büni in Courtepin statt in Murte.... ha sogar uf Anhieb de richtig Wäg gfune! ;-)

Dsischtig: Irgendwie büni nid so fit.... d Grippe macht sech bemerkbar

Mittwuch: Wärum muessi ging denn MINIs uf de Strass chrüze weni mitem Smart underwägs bü?? *aufreg* Hüt sis sage und schreibe 5 Stück gsi, devo sogar e Clubby!!!! Zwe MINIs si ufem Parkplatz vor de Bank gstane. Zum Glück isch de Smart o mit MPC-Flyere versorgt, so hani ömu glich chli chöne Wärbig mache... ob öppis zrugg chunt? Ha sie ja im französische Teil vo Friburg entdeckt! Villicht hi sie ja glich öppis verstane! *lach*

Donschtig: Hüt Nami hani fri! Normalerwis wer ja Schu, aber disi Wuche isch Ferie. So chani mi no chli gsund pflege dass i fit bü für moor! Am Abe gani no chli uf Friburg ga shoppe.

Vorstandssitzig

Am 11.30 himer in Mühlau d Vorstandssitzig vom MPC. Wo de Spaci u i iträffe si die andere scho det. Bimene ds Mittag tüe mer de Kassaabschluss u anderi aktuelli Sache bespräche.

alli schön i ire Reihe: d MINIs vom Guido, Mike, Denny, Winti, Sven, Spaci u last but not least mine! *grins*

Da ds Wätter in Mühlau nid grad so de Hammer isch, mache mer üs uf d Suechi nacheme sunnige Plätzli womer üser lang fällige Vorstandsfotos chi mache

me achti sich uf das charmante Lächle vom Winti! ;-)

Zum Schluss fülle mer vorem Svens nüe Wohnig grad mau de Parkplatz mit MINIs u gnähmige üs bi ihm as feins Dessert.

U scho isch es umi Zyt d Heireis adsträte, moor isch schliesslech Mentig!

PS: D Vorstandsfotos folge, versproche! ;-)

Fasnacht in Luzern

Am Abe hani mitum Spaci abgmacht. Mi gönge i Chino ga "National Treasure" mitem Nicolas Cage ga gugge. Eigentlech wer d Cindy o mitcho, het aber leider müesse absäge.

Dernah gömer no chli d Stadt Luzern ga unsicher mache. Schliesslech isch doch dises weekend det no Fasnacht. Nächscht Jahr müesse mer det unbedingt verchlidet debi si! =)

Ah ja... sogar für ds Tami himer no öppis entdeckt inere Sitegasse:

Barstreet zum Dritte

Zum letschte Mau für dises Jahr isch dises Wuchenänd nomau ds Barstreet in Bern. Für am Fritig Abe hani vor Chantal 2 Gratisitritte becho. Zäme mitum Michu gö mer mau ga gugge was det so luft. Leider isch nid so vöu los, drum mache mer nid soooo lang....