Samstag, 31. Oktober 2009

Rallye du Valais

Zäme mit de Chantal u am Pascal bini hüt as Rallye du Valais. Ds Nax hi wir üs es guets Plätzli gsuecht wo mer ds Renngscheh vo dem internationale Alass hi chöne beobachte.


video
(Clip)


video
(Clip)

Am Mittag simer wieder is gliche Restaurant wie scho letscht Jahr. Bi dem sunnige u durchus agnähm warme Wätter hi wir gmüetlech dusse uf de Terrasse es Tomatefondue gässe. Hani ds erste mau ghäbe, aber muess säge, het mer auso no passt! ;-)

Püntklich zum Start vom 2. Lauf am Namitag si wir wieder zrugg ar Strecke gsi.


video
(Clip)


video
(Clip)


video
(Clip)

Zum Abschluss si mer de no uf Martigny ad Siegerehrig gfahre. Als Stargast vor Ort gsi: De Tom Lüthi.

Sonntag, 25. Oktober 2009

Seven - Like a Rocket!

17. Oktober: De Seven isch Live on Stage in Murten bim B&B Events.

I verfolge d Musig vom Seven scho sit einiger Zyt. Er isch sodsäge d Schwizer Usgab vom Jamiroquai. Live erläbt hani ne aber no nie. Definitiv öppis woni bisher verpasst ha! Die funkige Songs wo uf de CD gmüeltech vor sich hi plätschere si Live eifach grandios! Ds Konzert isch eher im intimere Rahme gsi, de Saal vom B&B isch nid riesig, aber d Stimmig isch bereits vo Afang an super gsi. D Chantal, d Claudia, d Carmen u ig si maximal 3 Meter vor Bühne wäg gstane.




Die meiste Songs wo er gspielt het si vom aktuelle Album "Like a Rocket" gsi. Natürlech mit de neuste Hits "Lisa" und "I want", aber o die ältere Songs wie "Wake up", "Golden Stairs" u de Burner "Synthetic Soul" hi nid dörfe fehle.




Er het stets de Kontakt zum Publikum gsuecht u sini Hammerstimm isch klar über jede Zwifel erhabe.

Seven Live: Definitiv öppis woni nid ds letschte mau erläbt ha! =)

Alp Scheidegg

Am 11. Oktober hi sech es paar vom MPC troffe zum uf d Alp Scheidegg ds ga. Vo det us het me e wunderbare Überblick übere ganz Zürisee ud Brigitte, d Bsitzerin vom Resti det obe isch o im Club, sie fahrt es MINI Cabrio.



Spaci, Nicci, Pinki, Winti, ...

...Reni, Pät, Slapp,...

... winti, Demis Begleitig, Demi u Reni....

Super hani die Fotos gmacht... paar si dopplet druf, defür fehlt de Guido mit sire Family! ;-)

Usblick vom Restaurant us


...u wieder dune im Dorf Wald.



Ufem Heiwäg hi mer de no ds Rapperswil bim Damm e Halt gmacht bi de "SonderBAR", ganz e stylischi Bar! =)


Oktober-Höck

Wit über 50 Lüt si debi gsi am Oktober-Höck. Meh Lüt passe schlichtwäg nüm is Sääli iche. D Stimmig isch grandios gsi, für mir ine vo de schönschte Höcks sit langem gsi, es het eifach alles gstumme. Danke MPC u Bären, so muess es si u so machts eifach wahnsinnig Spass! =)

Samstag, 3. Oktober 2009

Bestande!

Endlech het ds Warte es Endi gha. Gester Abe si d Kandidatenummere im Internet ufgschaute worde vo dene wo die zweite Teilprüefige vor HFW bestane hi. Bi de schön froh gsi woni uf de Liste o mini Nummere entdeckt ha! *uff*
Folgendi Fächer si jetz im zweite Jahr abgschlosse: Betriebliches Rechnungswesen, Human Resources Management (mündlich), Marketing, Projektmanagement (mündlich), Organisation, Beschaffung & Logistik, Produktion ud Diplomarbeit Businessplan (schriftlich u mündlich). D Englisch Note in schriftlech u mündlich zöut de ersch fürs dritte Jahr.
Dämfau chas jetz witer ga. Jahr Nummer 3 erwartet mi. ;-)