Bestande!

Fritig, 8. Oktober 2010.... ab de viertu ab sächsi wird uf de Site vor Schuel die Kandidtatenummere ufgschaute wo d Prüefige bestane hi. Mini Kandidatenummere: 47765! Aso nix wie z pdf lade u das Nummero uf dere Liste sueche... de Puls raset, schliesslech hani jetz 3 Jahr i die Schuel investiert.... und siehe da! 47765 isch tatsächlich uf de Liste! Was so viel bedütet wie: I bü ab sofort diplomierte Betriebswirtschafter... aso... z mindest fasch! Am Samschtig hani de d Iladig für d Diplomfiier im Stade de Suisse becho. Z Diplom hani de abem 29. Oktober ide Händ! :-)

Blog wiederbeläbig!

Ja, isch a Moment här sit i da z letschte Mau dri gschrübe ha. Isch einiges gange i däre Zyt.

Weni d Agenda düre gange sit em letschte Itrag.... De Bengel isch ir Werkstatt gsi wüner ja bir Bergbuiretour wieder die Elektronikmeldig gha het. Det isch z Turboabblasventil gwächslet worde ide Hoffnig, dass es das isch gsi. Mittlerwile hani die Mäudig nüm ghäbe, aber ha natürlech o ke 5-Pässe-Tour meh gmacht....

Z DJ BoBo Konzert isch o gsi... u i bü ehrlech gsit a chli enttüscht gsi. Klar, d Shows si ging guet gsi, drum isch es Motze uf hochem Niveau, aber er het definitiv scho besseri Shwos ghäbe wo meh Action isch gsi aus bir aktuelle Tour.

Zwüschedür hi mer mau e Dütsch-Prüefig gha wo füre Abschluss zöut het u amene schöne Suntig büni mit de Chantal a Lac de Joux usgfahre, mitem Cabrio natürlech!

Dernah isch d MPC Herbstusfahrt cho... ohni mi! Ja, isch ke eifachi Entscheidig gsi, aber i ha d HA lah suuse, irgendwie hani die Zyt ifach für mir brucht...

Afang September isch de d Fallstudie usecho wo sech bi jedere Prüefig ca. 50 % vo de Ufgabe druf bezieh.... d Aspannig isch aso definitiv gstige, jetz gilts ärnst!

Am 11. September no z U2 Konzert (Booah, s geilste Konzert woni je erläbt ha! Sorry Madonna, BoBo, Pink und Co., aber die Jungs hi eifach die geileri Bühni u Show!), u de isch es am Mentig druf losgange. Leider hani deswäge o de MPC Event uf de Alp Scheidegg verpasst.... 88 MINIs hi sogar d Presse azoge. I ha de aber 2 Wuche mit 6 schriftliche u 3 mündliche Prüefige vor mer ghäbe.

Direkt aschliessend si mer de mit de Klass uf Barcelona, vo Suntig bis Mittwoch... moment! Da hi wir d Rächnig ohni d Spanier gmacht. Die hei nämlech am Mittwoch e Generalstreik akündet u so hi wir de ersch am Donschtig chöne zrugg id Schwiz flüüge!

Und zack hi wir scho Afang Oktober. D Zyt isch wie im Flug vergange!

MPC Bergbuire-Tour

Spaci u Bruno hi für hüt e Bergbuire-Tour organisiert. Bereits am Morge am 08.00 hi wir üs z Meiringe troffe. Ufem Wäg dethi het de Bengel es chlis Jubiläum gfieret: 20'000 km!

Als erstes isch es übere Grimsel gange.

Det hi wir üse Kaifhaut gmacht. Inklusive Murmeli-Besichtigung! ;-)

Vo det us si wir uf Ulrichen u när übere Nufenen ab is sunnige Tessin. Det hi wir z Ambri nomau e Kafihaut gmacht.

Bi Sunne pur u warme 25 Grad hi wir de ufere Terrasse e riese Pizza Zmittag gässe.

Dernah isch es witer gange: Ufem Lukmanier si wir de churz vo Ziege ufghaute worde.

Vo Disentis si wir de nach Sedrun u übere Oberalppass. Vo Andermatt us de Schluss vom Gotthard und zack, si wir bi mim Liebling: De Susten.

Vom Susten us gits wieder zrugg uf Meiringen u back home. Lüt, es isch hammer gsi mit euch! Cooli Gruppe, cooli Strecke, tolls Wätter, gär wieder!!!! :-)

August-Höck

Am Fritig isch wieder mau Höck gsi. U wü de Chrigu u i beid no Ferie gha hi, hi wir üs spontan entschlosse, chli über Umwäge nach Niederbipp z fahre. Auso hi wir üs in Grenchen troffe. Ufem Wäg dethi hani umi mau mis Troumouto vor mer gha... Looootus!!! *sabber* Das Teil laht mi eifach nid los... ;-)

De Höck isch umi mau gmüetlech gsi, wie ging eigentlech! ;-)

Lago di Como

Mitem Möni underwägs

Sit langem umi mau hi wir hüt es Usfährtli zäme mitem Mini-Möni gmacht.

Nacheme Startkafi in Langenthal isch es de losgange quer dürs Emmital.

Ds Ziel isch ds Tuningtreff in Bärau gsi. Was mer det ds gseh becho hi isch... öööehm.... wie sölli säge?! Nenne mers mau "speziell" gsi.... Bi gwüssne Autos hi wir üs aso ds Lache zum Teil scho chli müesse verhäbe.

Natürlech hets aber o paar Exemplar drunder gha wo sehr ufwändig si veredlet worde.

Aber irgendwo hört de Spass definitiv uf.... e Peugeot ga "Tüüfeli" nenne? Debi setti doch jede wüsse, dass es nur 1 Tüüfu git... u de gseht so us:

Et voilà: The one and only real DEVIL!!!!!! ;-))) (Vorsicht: Nid ds ärnscht näh!)

Am coolste isch de rostig Käfer gsi!

....we ihm da nid no öpper anders de Rang stritig gmacht hetti!

Käfer vs. Mini, da isch für mi de Fau klar. Egal welle vo beidne spezieller, ufwändiger oder was o immer isch: De Mini blibt für mir d Nummere 1! :-)

Ufem wäg zrugg zu üsne MINIs hi wir de doch no as "richtigs" Tuningauto gfune.

Dä Gemballa Turbo sicher öppe glich vöu PS wie all zäme wo bim Tuningtreff usgstellt si gsi.... u chostet leider awäg o glich viel wie die all zäme... ;-)

Jedefaus si wir de umi zrugg zu üsne Autos u überglücklich gsi, mit dem wo wir hei. *haha*

Aso ab zu typischem MINI-Terrain: Weg vor Tuningshow, häre zu kurvige Strasse wo üs übere Schalleberg gführt hi. Mittagshaut hi wir de ds Oberhofen am Thunersee gmacht. Im Restaurant Stella del Lago. VIP-Parkplätz inklusive! ;-)

Lüt, isch cool gsi u Möni: Schad, büsch nid hüfiger debi! :-)

West-CH Ausfahrt zum Vierten!

Bereits zum vierten Mal stand Heute die Westschweizer Aufahrt im MPC Terminkalender.

Diesmal fand die Ausfahrt eher im kleineren Rahmen statt. Egal, dafür war es umso gemütlicher.

Von Flamatt gings via Alblingen über den Gurnigel.

Plötzlich... mitten während der Fahrt zum Gurnigel hinauf auf einmal ein Warnsignal und der Bengel hatte was zu meckern.

Der "Leistungsabfall" war mehr als deutlich zu spüren. Es fühlte sich an, als hätte ich auf einmal einen One Diesel als fahrbaren Untersatz.

Nach einer Kaffeepause auf dem Gurnigel und nachdem auch slapp noch zu uns gestossen ist, gings weiter. Eigentlich habe ich mich schon damit abgefunden, dass ich das Auto im Tal unten beim Restaurant stehen lasse, denn laut Benutzerhandbuch ist mit diesem Motorenzeichen eine "gemässigte Weiterfahrt möglich", aber gemässigt an einer MPC-Ausfahrt??

Doch was soll das? Auf einmal ist die Meldung im Boardcomputer weg und die volle Leistung wieder da. Bloss ein übler Streich der Elektronik? Keine Ahnung! Auf jeden Fall ist wieder alles paletti und die Fahrt kann weiter gehen.

Am malerischen Thunersee vorbei, ist unser Ziel für den Mittagshalt das Restaurant Luegibrüggli, mit der wunderbaren Aussicht auf Interlaken und den Thunersee.

Nach dem Essen geht es weiter über Beatenberg zurück an den Thunersee und weiter zum Jaunpass.

Dort halten wir noch für ein Dessert.

Jungs, ich fand es Klasse Heute! Hoffe, es hat euch auch gefallen.