Sonntag, 31. August 2008

MADONNA: Sticky & Sweet

Es isch ds grösste Konzärt wos ide Schwiz je gä het. 72'000 Lüt hi ds Dübedorf d Madonna gfieret. Drunder o i, de Pascal, d Simone, de Mischu ud Lea.

Madonna: This way!

Dübendorf im Usnahmezuestand. Strasse si gsperrt, alles isch uf de Mega-Event vorbereitet.

Scho allei ds Gländ isch einzigartig gsi. Riiiesig! Zersch e grosse Bereich mit Verpflegigsständ, 1'000 ToiToi-Toilette, Bierständ, und und und.... u denn 3 Mega-Tribüne für d Zueschauer wo Sitzplätz hi und die grossi Flächi für d Stehplätz.... und natürlech die gigantischi Bühni.

Am 19.20 het de zersch d Flugshow vo de Patruille suisse gstartet. O das isch zümlech idrücklech gsi!

video


het scho es paar Lüt gä...aber ke Angst, da chäme no meh! Das isch ja no nüüüüüd! *lach*

Später gits de scho es ersts Mau uf de Bühni los. Im Vorprogramm spöut d Rubyn.... fraget mi nid wär das isch... aber es paar Lieder si mer no bekannt vor cho...

Aber eigentlech warte doch alli nume uf öpper...... d Madonna!
Sie machts aber ganz spannend.... während öppe 30 Minute gseht me ging nume das Bild:

i glube ds pinki hetti a däre Bühni so o freud ghäbe......

Denn endlech.... öppe am 21.20 chunt die erst Viedosequenz und d Show startet mitem Song "Candy Store"

es fouge Songs wie "Into the groove", "Heartbeat", "Music", "She's not me", "Miles Away" (Ine vo mine Favorite...), "La isla Bonita", "Ray of light", "Hung up" und und und...
Die ältere Songs het sie alli mit House-Beat ufpeppt damit sie o schön is Programm passe...

Hie a Live-Usschnitt vo "4 Minutes":

video


d Show het 4 Teili mit je 4 - 5 Songs, Pousene gits o zwüsche de Teili nid. Es luft ging öppis. Es reiht sech Song a Song, Hit an Hit!

Hie a Hammer Liechtshow, leider isch d Qualität vor Ufnahm miserabel:
(isch haut nume mitem Handy gmacht ;-))

video

als Grande-Finale gits de aktuell Hit "Give it 2 me":

video

Nach nid ganz 2 Stund isch de de ganz Spuck scho verbi. Ke Zuegab, nix! D Show isch vo A bis Z perfekt durchorganisiert, da het so öppis anschinend ke Platz!

Trotzdem: As isch es einmaligs Erläbnis gsi, so schnäu chund die Diva sicher nid grad umi id Schwiz. Es het sech uf jede Fau glohnt!

Hie no e Brichterstattig vo 20min: http://www.20min.ch/unterhaltung/sounds/story/22587640

Herbstusfahrt

Am Fritig Morge isch de Start zu de disjährige Herbstusfahrt vom MPC. Am 08.30 triffi mi mitem Dome u de Melanie in Flamatt.

Zäme gits de witer zur Raststätte Gruyères, wo am 09.00 de offiziell Träffpunkt isch.

Det näme mer de scho mau gmüetlich as Zmorge bevors richitg los git.


Via Martigny gömer übere Col de Forclaz u de Col de Montents uf Chamonix.

Irgendwenn mau underwägs gönne mer üs as chlises Pöuseli u gö ines Restaurant öppis ga triche.

ds Ziel vo de hütegi Etappe isch Albertville.

ds Pinki machts sechs als Bifahrerin gmüetlich u streckt scho mau d Füess usem Auto....
Lengwilig isch üs underwägs ömu nid worde, Gsprächsstoff hets anschinend gnue gä. Uf jede Fau gits extrem schnäu u scho simer in Abertville.

Dummerwis hi det d Restaurants ab de 14.00 Siesta, u es isch churz nach 14.00 gsi womer üs uf d Suechi nach öppis ässbarem gmacht hi... Aber wo sie gseh hi, dass sie 11 Portione chi verchufe, hets emu de glich no es Resti gä wo extra für üs lenger offe glah het....
;-))

o am Abe isch es nid lang gange bis mer as geeignets Plätzli gfüne hi, wo mer üser leere Mäge hi chöne fülle.

pinki, Spaci u winti.....

Yves, Sven u si Cousin....

Mike und Dominique....
...und no d Melanie u de Dome!

ke Ahnig wärum de Spaci da so bös gugget, uf jede Fau himer ganz e gmüetliche u amüsante Abe verbracht, isch auso nid so wies uf däm Foto usgseht! ;-))

"Le Dome" het doch tatsächlech gmint das Täfeli sig ihm gwidmet... i bezwifles zwar.... ;-))

Fragwürdig äbefaus die ufzeichnete Feister.... vöu Sunneliecht bringe sie emu nid.....

u no vöu fragwürdiger de Äschebächer im Hotelgang... wo doch Nichtraucher isch......

Aber joah... es muess ja nid ging aus logisch si! *lach*
Dome, Spaci, pinki, Yves u ig si de am spätere Abe no e Bar ga sueche, d Städtli isch aber praktisch usgstorbe gsi u schlussendlech hi wir üs de mit däm müesse ds früde gä wo no offe ghäbe het. Churz nach Mitternacht si de o wier zrugg im Hotel.
Am nächste Morge isch am 09.00 Träffpunkt bi de Autos gsi. Vorher himer no ds Morge gässe u d Hotelzimmer abgä.

winti het grad d Zuefahrt zum Innehof wo üser MINIs parkiert si komplett versperrt....

voll de Poser! ;-)


de isch de Moment cho woni mi vo de anderne ha müesse verabschiede. Wü ds Madonna-Konzärt usgrächnet am gliche Wuchenänd muess si, hani mi entschide, nid die ganzi Usfahrt mitdsmache damit i no uf Dübedorf cha ga....

...aber die gmeinsami Fahrt dür ds Städli hani mer de glich nid lah nä!


Bi däre Chrüzig hets zum Abschid no grad churz es Hupkonzert gä woni links u die andere rächts abboge si... Tschüüüüüsss zäme! Gueti Fahrt!

scho einsam... e Strass ohni MINIs vordra.....


Ganz allei büni de glich nid gsi. Es paar Ortschafte witervor hani de e blaue R56er Cooper S hinder mer ghäbe... aso...zersch hinder mer u später vor mer... dä fräch Siech het mi eifach überhout.... *motz*
Öppe so am 12.30 büni de wieder dehei acho.

De JCW chunt!

Langsam aber sicher rückt d Lancierig vom JCW nöcher. Ha bir Tankstell in Granges-Paccot (FR) scho mau die nüi Werbig entdeckt:

Donnerstag, 21. August 2008

Allerlei

nüi Gschwindigkitslimite für Evo-Fahrer: Max.70 - 80 km/h
Isch sicher e Idee vom Bastien Girod... ;-))

So het mi MINI vo Mentig bis Dsischtig Abe usgseh....
Bifahrersite ohni Türverkleidig. Het natürlech a Grund. Bü bim Dome ds Schönbühl gsi womer d Abdeckig vom Lutsprächer vonand gnoh hi um ne mit Silikon abdsdichte damits nid ging bi jedem Basston vibriert. Bis jetz klappets rächt guet, vibriert extrem vöu weniger aus vorher! Top! Danke vöumau für d Arbeit, Dome alias Spacefiller!!!!!

Gester abe hani dä uralt Volvo mit NW-Kennzeiche ds Flamatt vor mer ghäbe... I würd mi ja mit some Auto niiie troue no so wit ds fahre! *grins* Hoffe är sig no guet heicho! ;-)

Hüt am Morge hani nid schlächt gstunet woni bi mim Arbeitsplatz ha welle abhocke. D Arbeitskollegin hetmer e Bricht vom nüe JCW us de Zitig usgschnitte u mit Liim uf mini Schribunterlag kläbt!

Schwach isch ja nume: Ds Foto isch e R53er u im Bricht gits ume nüü JCW.... Muess glubi mau bi däre Redaktion alüte u reklamiere! ;-)

Ab is Näbumeer

Am Mentig ufem Wäg zur Arbeit hani ds schöne sunnige Wätter müesse hinder mer lah u ids Näbumeer itouche.



Sonntag, 17. August 2008

Fotos vo Interlake

Ha no paar Fotos vo Interlake per Post übercho woni euch nid wott vorenthalte:
Tüüfu und Möchtegern-Rennfahrer in Action! ;-)

PS: De Helm isch obligatorisch gsi! ;-)

OpenAir Cinema in Friburg

Gester Abe büni umi mau mit de Chantal furt gange. Ds Friburg im Open Air Cinema simer zäme mit paar anderne ga de neust Teil vo Indiana Jones gugge. Bimene Postelouf het me chöne um Plätz ufem Lädersofa spiele... Leider hets für üs nid ganz glängt, aber mi hi o so ganz e gmüetliche Abe ghäbe. Nachem Föum himer de Abe no churz im Rock Café la usklinge.

Porsche-Träffe Interlaken

Am Samschtig isch ds Interlake as internationals Porsche-Träffe gsi. De Pascal als ehemalige Porsche-Fahrer het da natürlech welle ga verbigugge. I ha mit ihne mitchöne, u so si mer de vorem Mittag mau mitem nüe Clubby vor Simone richtig Interlake losgfahre.
Ufem Parkplatz het scho mau ine mit sim Lambo Diabolo es paarne Porsches d Show gstole...

e ganz säutene Porsche Carrera GTS

hie zwe für ds pinki:


Ine het Tachos vo alte 911er Modell verchuft...

...isch awäg ke Schwizer gsi am Schild an.... ;-))



...da isch mer doch dä grad no vor d Linse glüfe... *motz*

Wieder zrugg in Wünnewil....
So gseh d Parkplätz vom Pascal u de Simone ir Istellhalle us:

cool, oder?! ;-)