Am 08.08.08 am 8 ab 8ti......
Nei, i ha nid öppe mi Tüüfu ghüratet oder so, es isch eifach Höck gsi! ;-)
Am 18.00 si sech de Dome, de Chrigu, ds pinki mitem Schäggu, d Danimuus u i üs in Deitingen troffe. Zäme isch es de witergange bis zur Raststätte Kölliken wo no ds Tami, de Raphi, de dpp, d Piddi mit Begleitig u... öööehm... hani no öpper vergässe? *rotwerd* Has irgendwie dismau nid so im Griff ghäbe wär wo wartet.
Apropos "im Griff ha"..... Pinki brucht satti 4 Parkfälder für d Schnute.... Isch awäg vorsichtig worde nach de Büle! ;-)
Wü ds Resti in Mühlau Betriebsferie het, het sech de Vorstand nachere Alternative bemüht u schlussendlech simer de in Schinznach-Dorf ide Rösti-Farm glandet (http://www.roestifarm.ch/). Det isch es super gmüetlech u wir hi e glungnige Höck ghäbe. De Parkplatz mitz vor de Hütte isch exklusiv für üser MINIs reserviert gsi, isch e richtige Blickfang drus worde!
Het Spass gmacht, isch e gsellige Abe gsi!
Sonntag, 10. August 2008
Abonnieren
Kommentare zum Post (Atom)
Keine Kommentare:
Kommentar veröffentlichen