MPC-GV 2010

Am 5. März het die alljährlechi GV vom MINI-POWER-CLUB stattgfunde.

Vo Murte s isch es nach de Arbeit uf direktem Wäg nach Niederbipp gange.

Ar GV hets zahlrichi Änderige gä. Die wichtigste Änderige beträffe de Vorstand. Neu gseht de Vorstand so us:

- Winti isch e neu Präsi

- Guido blibt Vize-Präsi

- Ig bi nüm Kassier, sondern Eventmanager

- Neu isch de Christian Kassier

- De neu Aktuar isch de Yves

- De Denny blibt witerhin Revisor

- u natürlich blibt o de Mike witerhin für ds Web us Marketing verantwortlich

Zweiti wichtigi Änderig: Ab sofort findet de Höck nüme am zweite, sondern am erste Fritig vom Monet statt!

De Räscht vom Abe isch wie gwohnt in bester MPC-Manier gsi. Gmüetlechs zämmesi u gueti Luun!