Nacheme Startkafi in Langenthal isch es de losgange quer dürs Emmital.
Natürlech hets aber o paar Exemplar drunder gha wo sehr ufwändig si veredlet worde.
Am coolste isch de rostig Käfer gsi!
....we ihm da nid no öpper anders de Rang stritig gmacht hetti!
Ufem wäg zrugg zu üsne MINIs hi wir de doch no as "richtigs" Tuningauto gfune.
Dä Gemballa Turbo sicher öppe glich vöu PS wie all zäme wo bim Tuningtreff usgstellt si gsi.... u chostet leider awäg o glich viel wie die all zäme... ;-)
Jedefaus si wir de umi zrugg zu üsne Autos u überglücklich gsi, mit dem wo wir hei. *haha*
Aso ab zu typischem MINI-Terrain: Weg vor Tuningshow, häre zu kurvige Strasse wo üs übere Schalleberg gführt hi. Mittagshaut hi wir de ds Oberhofen am Thunersee gmacht. Im Restaurant Stella del Lago. VIP-Parkplätz inklusive! ;-)
Lüt, isch cool gsi u Möni: Schad, büsch nid hüfiger debi! :-)