d Friburger-Fraktion

Am 2. Mai het d "Friburger-Fraktion" eigentlech vor ghäbe uf Interlaken ga ds Renne ds gugge wo unter anderem o d MINI Challenge am Start gsi isch. Wo mer üs am Morge troffe hi zum Losfahre isch o no alles super gsi. De Pascal, d Simone mitem Noah u ig si zäme gfahre. Aber wir si no nid richtig uf de Autobahn lütet üs de Rotsch an wo scho chli früener losgfahre isch. Er isch bereits in Interlake u verzeut dass es grad wie us Chüble giesst. Bi setigem Wätter machts natürlech nid würklech Spass de ganz Tag dusse ds stah u de Rennautos zuedsgugge. Auso grad die nächscht Usfahrt wieder use u de ds Alternativ-Programm bespräche. Churzerhand lande mer de im Westside wo det ja grad ir Nöchi isch. Nid ganz das wo wir üs eigentlech vorgsteut hi, aber wir probiere glich s beste usem Tag ds mache.

Am Suntig hi mer de nomau e zweite Versuech gstartet. Dismau het üs d Reis aber nid nach Interlake, sondern über Umwäge ufe Jaunpass gführt. Dass mer ds Saane glich wieder i Räge cho si muessi ja nid erwähne, oder?!  ;-) Egal, ufem Jaunpass obe hi mer de glich wieder d Sunne chöne gniesse!

Das het de o grad so richtig guet ta. Schliesslech büni ja scho sit am 07.30 wach gsi wü mer üs am Morge no es paar vor Schuel troffe hi zum a üsem Businessplan ds schaffe.