Ueberraschigsusfahrt für d Trix

Am 26. April het de MINI Club öpperem Geburtstag gfieret wo mer bis zu dem Zytpunkt weder gseh no kennt hi. De Yannik het sech bi üs im Forum agmäudet mitem Wunsch dass mer 44 MINIs zämetrommle damit mer de 44. Geburtstag vo sire Mueter, de Trix, chi fiere.

Us aune Egge si de schlussendlech a dem Tag MINIs richtig Walkringen gfahre. Am 10.30 hi wir üs ir Raststätte Grauholz troffe.

Ds Bild we so vöu MINIs uf einisch vor Raststätte i die glich Richtig losfahre isch einmalig! Das het us gseh wie e Ameisihufe, ganz geil!

On the way to the famous Walkringen....  ;-)

Zytewiss si wir üs fasch säuber chli im Wäg gstane u so im wahrste Sinn vom Wort e "MINI-Stau" verursacht!

In Walkringen acho hi wir de üser Autos spaliermässig parkiert damit de d Trix o grad schön ir Mitte cha dedür fahre...

...und churz später isch de ds Geburstagschin o scho itrudlet!

Ds Ziel erreicht hi mer aber de glich nid ganz. Schlussendlech sis 43 MINIs gsi, auso genau ine ds wenig! Aber das het de Freud ke Abbruch ta. D Trix isch sichtlech überrascht gsi u het sech gfreut dass so vöu Lüt für sie da häre greist si obwou wir üs ja gar no nid kennt hi.

Es fougt e gmüetliche Namitag im "Metzgerhüsi" wo mer mit Spezialitäte vom Grill, amene Salatbuffet, Pommes-Frites u Gratin verwöhnt wärde. Klar hi wir üs da o miteme chline Präsent us de aktuelli MINI-Kollektion revanchiert.

Wo de das ganze Spektakel verbi gsi isch si de ds pinki, de winti, d Ariane, d Shorty u ig no uf Lyss ga ds Nacht ässe.

Isch würklech ganz e coole Tag gsi!