Mai-Höck

De 2. Fritig im Monet bedütet.....

genau! It's Höck-Time!!!!!!!!  =)

Da freut me sich aube scho de ganz Tag druf. Auso nix wie möglechst schnäu us de Bank use am 17.00, de MINI schnappe u ab nach Niederbipp! Aber moment, nid so schnell! Da ja jetz de Höck für mir chli nöcher isch, cha ni mir no de eint oder ander chli Abstecher erlube. Am 18.00 büni ds Niederwangen am Bahnhof ga d Lea abhole. Isch doch cool, de muess i mau nid allei a Höck fahre! ;-) Zäme si mer de witer nach Lyss. Ja genau, liegt eigentlech o nid würklech ufem Wäg für nach Niederbipp, aber was sölls! ;-) Det wartet de scho s pinki uf üs u ds dritt gits witer via Büren uf d Autobahn. Ca. am 19.15 si mer de scho am Ort des Geschehens itroffe.

Nach und nach füllt sech de de Parkplatz hinderem Restaurant umi mit MINIs. Wir si umi mau wit über 40 Lüt gsi. I ha mau 45 zöllt, de Reni isch sogar uf knapp 50 cho. Säge mer mau, wir si auso ca. 47.5 Persone gsi!  *lach*

s pinki het am reni wo chürzlech Geburi ghäbe het no ganz es besunders Gscheich ghäbe. Da er doch so gär Café Latte het.... d Zweidütigkeit isch natürlech reine Zuefall! ;-))

de Reni isch eh chli de Hahn im Chorb gsi gester Abe. D Topo-Sister hi de o no grad uf ines eigete Art zu sim Geburi gratuliert!

U wie das so isch we wir üs zum Höck träffe.... chum si mer det isch o scho wieder Morge am 01.00 u wir gönne am Servierpersonal de wohlverdient Fürabe.

Bi paarne vo üs isch scho e liecht chribbelegi Stimmig gsi: Ds nächschte mau wo sech die meiste vo üs wieder träffe staht nämlech ganz e grosse Event vor de Tür: MINI UNITED 2009 in Silverstone!!! Bis denn!!!!