Montag, 24. März 2008

Happy Birthday, Tüüfeli!

Hüt vor genau 4 Jahr hani dörfe mi MINI id Garage ga abhole. Wow, i mag mi no erinnere wie narvös i denn gsi bü. Am Nami hani no Mathprüefig ghäbe, bü glubi bi jedere Ufgab uf d Lösig "Cooper S" cho! ;-))
Am Abe isch es de sowit gsi, diräkt nach de Schu ab id Garage. Nachdem de Verkäufer mier sämtlechi Funktione erklärt het darfi de Schlüssu dreihe u heifahre. Natürlech no mitem blaue "L" hinderdra. Ha e riiiiiiese Respäkt vor däne 163 PS ghäbe. Woni dehei zuifahre warte scho d Nachbare u rüefe "De MINI chunt!!!!!". Am Abe het de Vater nomau mitmüesse. Ha das Auto nid ifach ufem Parkplatz chöne lah stah, ha unbedingt welle fahre. Ds Wätter isch o denn nid so toll gsi. Het liecht gflöcklet u de MINI isch natürlech mit Summerpneus usgliefert worde.
Hie es paar Fotos wo ner no fasch nüü isch:


U hie Fotos wie ner jetz usgseht:



Im Verlouf vo däne 4 Jahr hi sech es paar Sache veränderet. Bitz tiefer, im Summer anderi Fäuge, Facelift-Xenonschinwäfer, Zuesatzschinwäfer, wissi Blinker hinder, Aero-Heckschürze, harman/kardon Soundalag, Chrominterieur, Leistigssteigerig uf ca. 210 PS, Works-Bremse und und und.....
Was sech i däne 4 Jahr nie veränderet het: De MINI macht eifach extrem Spass! Das ging no wie bim erste Mau! IS IT LOVE?

2 Kommentare:

Ariane hat gesagt…

hääääpppi börsdeeeeei tooooo iuuuuuuu, häääääpiiii böööörsdeeeeeiii tooooo iuuuuu wünscht s'speedy. ich hoffe, ihr sind fliessig am fäschte :o)

Cooper_S_86 hat gesagt…

Es häut sech in Gränze, bü ne nid mau ga Usfahre bi däm Wätter... :-(
Aber ke Angst: Das würd uf jede Fau nachghout! *lach*