März-Höck

Yeah, endlech isch es umi mau so wit! De zweit Fritig vom Monet isch da, das bedütet: It's Höck-Time!!!!!!

Diräkt am 17.00 nach de Arbit fahri in Murte los. Erste Haut in Bern-Wankdorf, woni de Mischu gange ga abhole. Är isch momentan in Bern u d Lea het de Yellow-Storm Cooper bi sech, chunt aber o a Höck. Zweite Haut isch Deitingen. Det warte bereits de Chrigu u de Dome us üs. Nachdem die Herre Mischu u Dome ihnes obligati Zigi ghäbe hi, gits wieter bis Oensinge, det stosse no ds Tami u de Aläääää zu üs. Wüs uf de Autobahn schomi stocket, entscheide wir üs, es Stück über d Houptstrasse ds fahre. Bringt aber nid vöu, wü mer dernah eh umi uf d Autobahn müesse. Dritt Haut isch Aarau West. Det wartet nomau a ganz Horde uf üs. Roger, Pinki, Marc, Pämsu, Caruso, Pupo, glube ha niemer vergässe, oder?!

de Chrigu mit sim Clubby vor mer!

So ca. am 19.45 träffe mer de in Mühlau i. Die andere si natürlech scho au det. Aber wiss ächt nid, wie mer schnäller det häre chäme. Het eifach jedes mau brutau vöu Verchehr. Egal, es lohnt sich eifach. Mi hi umi a super coole Abe ghäbe. De Mike het no d Fiona, de Daggel mitgnoh, das isch ganz e härzegi! :-)

Leider isch haut scho dunkel gsi wo mer acho si. So gits haut kiner gueti Fotos. Aber es were 22 MINIs, 1 Passat, 1 Citroën u e VW Golf vo üs ufem Platz gstane.

Irgendwenn nach Mitternacht isch aber de o das wieder verbi u mi träte langsam aber sicher d Heireis an. Grad nach de Autobahnifahrt Lenzburg macht d Polizei e Grosskontrolle. Obwou mer doch glich öppe no 5 - 6 MINIs si, wo nachenander dür d Kontrolle fahre, nähme sie kine vo üs use. Woni a de Poliziste dran verbi fahre köri nume öppis vo wäge "Aha, d MINIs si awäg o Usflug gäbe" *grins*

Bi Härkinge verabschiedet sech d West-CH Fraktion bestehend us mier, pinki, Dome, Chrigu u Marc no vonenand, u de gits witer. So ca. am 02.30 büni de o dehei. Vo Schönbühl bis Bern hani no es paar voll krassi Begleiter ghäbe. 4 Balkanesi imene Hyundai Lantra hi mi doch tatsächlech mit Handzeiche u Liechthupe zumene Renne welle atachele... ungloblech!!!! *gröööööl*
Die hetti ja im 6. Gang abgheicht! ;-)