stürmeschi Zyte

Momentan zieht is Sturmtief nachem andere dür d Schwiz u jedes mau weni mitem Smart underwägs bü hani ds Gfüu es windi mi jetz de baud mau mitsamt Auto devo.... ;-))

Isch aber nomau aus guet gange u bü heil bis uf Flamatt cho woni aschliessend de Zug uf Bärn gno ha. Ir Schu isch hüt volls Programm agsit gsi. Agfange hets no harmlos mit BWL, aber dernah: Zwe Semestertests am Stück, zersch ir Rechtskunde 8 Site u de no im Statistik 10 Site..... Zum Schluss no 90 Minute Rechnigswese. Anschinend het üs das zümlech offesichtlich gschluuchet.... De Dozent im RW het emu gmint är hoffi u deichi, dass är hüt besser usgsehgi als wier *lach*

Ah, öppis hani euch doch nid welle vorenthalte: Gester Morge in Murte vor de Bank gstane:
Hammer, das Ding! E Morgan!!!!!!!! *sabber*

Grad woni zur Bank use gange für das Monster ds fottele stigt de Bsitzer iche u fahrt los. Gott, dä Sound!!!!! Isch ja brutal wie das Ding tönt! Da verzeiht me ja gär dass hie d Schinwärfer offesichtlech vom VW Beetle stamme. Aber ebe... ligt eh nid im Budget u isch ke MINI... drum lah nis glubi lah si! ;-))