Nachholbedarf

Am Morge am 09.00 wärdeni vom Telefon gweckt. No so haub im Schlaf köri am andere Endi de Pascal. Da gester de Rotsch nid het chöne bi üsem Fährtli debi si, würd das hüt nahghout. Klar, da büni doch sofort debi! Isch für mier grad ideau, da die beide gäge Mittag umi wette zrugg si. Hüt wer ja no es paar vom Club ide Ostschwiz ga Karte, da weri natürlech o gär debi gsi, aber sett haut glich no mau as paar Sache für d Schu mache, nächscht Wuche himer ja die zweiti Serie vo de Semestertests.

Im Eiltempo machi mi parat. Am 09.45 gits scho los, via Schwarzeburg fahre mer richtig Stockenthal. Det wo o ds Fahrtrainingscenter vom TCS isch, mache mer e Haut u gönge öppis ga triche. Zyt für es paar Fotos:

De Typ ar Bar het emu o früüd a üs ghäbe. Ds erste womer gsit het we mer iche si: "Aha, d MINIs si am usfahre!" ;-)

I däre Region gfüne mer ging umi es paar nüi, kurvegi Strasse, wo mer natürlech sofort müesse usprobiere! E Zyt lang wüsse mer emu nüme so rächt wo mer grad si. Egau, houptsach Kurve! ;-) U notfaus hetti ja de no ds TomTom debi! ;-)

Kurz nachem Mittag simer de umi zrugg in Wünnewil.

Tja... und de isch es haut so... am Nami quetschi mi no chli hinder d Rechtskunde, aber ds nächschte weekend chunt bestümmt, u die nächschti Usfahrt genau so! =)