Autosalon Genf

Punkt 07.40 lütets ar Huustüür u de Rotsch isch parat für a Autosalon. Zäme gömer bis zum Pascal ur Simone, denn gits zum Bahnhof womer mitem Zug bis Genf Flughafe fahre. Knapp nach de 10.00 simer det. Uf direktestem Wäg gits zum MINI-Stand, wo für us natürlech DER Eyecatcher schlächthin staht. De MINI us de Race Challenge:

...u hie die zivileri Version devo:

MINI John-Cooper-Works
211 PS, mit Overboost 280 Nm
0 - 100 km/h in 6.5 sek
Topspeed 238 km/h
ab ca. EUR 27'000, also wohl über CHF 43'000.00....

die glichi Leistigssteigerig gits o füre Clubby:

hie no öppis für d Lufthutze-Freaks:
Bim Race Car isch ds Gitter wieder ganz offe u ir Hube ine het das schwarze Teil wo d Früschluft diräkt ufe Turbo tuet leite:

ach so... es git übrigens Grücht wo säge dass es in Genf no anderi Autos ghäbe het näbem MINI.... schiiins! *lach*

Üse Tag het uf jede Fau so usgseh: Nachdem mer scho mau usgiebig Zit brucht hi bi MINI, hi mer üs ir Porsche-Lounge Kaffee u Gipfeli gönnt. De Rotsch u i his nid chöne la si u hi miteme Glas Sekt agstosse....

Nachdem mer vorem Nissan GT-R mit es paarne e hitzegi Diskussion gführt hi, simer id VW-Lounge ga ds Mittag ässe.... bimene feine Teigwarebuffet hi mer üs chöne bediene u dernah hets no es Dessert gä. Dezue es guets Glas Rotwyy und Cola. *lach*

Bü zümlech erstunt gsi: de nüü VW Scirocco gseht erstunlech guet us!

d VW-Lounge wer awäg für de reni us pinki ds Paradies uf Erde. Orchidee am Loufemeter!!

SKANDAL: Nid in China, sondern in Tschechie wärde ganz offesichtlich extrem schlächti u billegi Kopie vom Tüüfu gmacht!!!!! U de ersch no mitem abgwandlete Name vom Bsitzer des originals!!!!!! De Skoda Fabia in schwarz mit wissem Dach. Es absoluts No-Go, glube müessi zum Boykott vo Skoda ufrüefe! Da gaaaht doch nööööööööd! ;-)

Hie no öppis für ds Pinki: De nüü Ford Fiesta in pink! =)

Isch zwar rot u het Stripes, isch aber trotzdem ke Race-MINI:

sondern de Ferrari F430 Scuderia, naja, würd ja zur Not o ga! ;-))

More to come!!! I gange ja de nomau a Salon, de gits de sicher no es paar Böudli meh! ;-)

de Pascal ud Simone si scho chli früener hei gange, während de Rotsch u i nomau de ganz Salon u natürlech vorallem de MINI-Stand unsicher gmacht hi. Vis-a-vis het üs e Parfümwouche am Smart-Stand d Vorzüg vom chline City-Flitzer welle präsentiere... zu irem Päch het sie grad zwe verwütscht wo de Smart eh scho rächt guet kenne. Aber sie het sech emu müeh gä ;-)

Nachdem wir üs nomau a Drink ar MINI-Bar gönnt hi, si mer de o langsam zrugg zum Bahnhof u hi d Heireis aträte.

Isch a super-Tag gsi!