D Wuche im Schnäudurchluf

Für au die wos no interessiert... d Wuche isch öppe glich witergange wie sie agfange het. Obwou i ganz klar 80 % agstellt bü, het me mier für die nächschte 2 Wuche 100 % iplanet ohni mier ds frage.... Klasse! Debi hani doch für am Mittwuch Nami scho abgmacht für mit de Kollegin mau chli de ganz Schuelstoff adsgugge womer am September müesse chöne. Nach ewigem Hin u Här chani wenigstens de Donschtig Nami ha u nächscht Wuche de Mittwuch Nami.... besser aus nüd! O d Chunde am Schalter si alli irgendwie greizt u gstresst.... Aber ja... dürehaute! Am Fritig isch ja Höck! =)
U zersch chunt no de Donschtig Abe.... Wie jedes Jahr macht die ganzi "Xiro-Clique" inisch ab für zäme ids Molino uf Friburg gane Pizza ds ässe u aschliessend no chli ads Jazz-Festival ds ga. Öppis nach de 18.00 träffe wir üs bir Pizzeria. D Tanja, d Rita ud Gülsüm si scho det. Speter chäme no d Fabienne, de Roger ud Daniela. Isch a gmüetlicha u unterhautsame Abe gsi!