Westschwizerusfahrt - The second

Zum zweite mau het dise Suntig d MPC-Westschwizerusfahrt stattgfunde. Am 09.00 himer ds Flamatt bir Comet AG abgmacht. Trotz de schlächte Wätterprognose hi doch no es paar de Wäg det häre gfune, u eigentlech hets zu däm Zytpunkt no ganz passabel usgseh....

via Ueberstorf, Schwarzenburg, Guggisberg, Zumholz simer de zum Gurnigu gfahre. Det obe hets de scho ganz anders usgseh, wie me uf däm Foto idrücklech gseht:

Bim Resti gits die ersti Pouse. Em Pascal alias Cooper S Works si Wecker het nid funktioniert, drum warte wir hie uf ihn.

Churz druf trifft er de o ii u nacheme churze Kaffehalt gits de witer....

de erst Tankstopp: Fürs Uftanke hets bim Pascal nach däre Spontanaktion nid o no glängt! ;-)

...und witer gits...


via Steffisburg gömer de ufe Schallebärg woni für ds Mittag reserviert han.

cooli Mannschaft, oder?! =)

bimene gmüetliche Zmittag würd gfachsimplet...

...während dusse üser MINIs churz chi usschnufe!

Dernah folgt ds legendäre Chuderhüsi! ;-)

vo det us führt üs d Route langsam aber sicher zum Jaunpass

unmittubar vorem Pass müesse nomau es paar de Tank fülle....
(ke Angst, es si nid ging die gliche gsi! *lach*)

es paar deftegi Kurve witer simer uf de Passhöchi

I glube wir si a däm Tag die erste und letschte Gäst gsi i däm Restaurant. Macht nüd, anschinend si sech d Wirte scho säuber lieb gsi u hi chräftig für sich säuber konsumiert ghäbe, anders isch dänes Stimmig nid ds erkläre gsi! ;-)

Mi his uf jede Fau o ganz guet ghäbe det obe. Alli hi wir üs a eng Stammtisch quetscht, obwou eigentlech die ganzi Beiz leer isch gsi u wir allemal gnue Platz ghäbe hetti... das isch äbe Teil vom Zämmeghörigkitsgfüu im Club! *grins*

Witer gits nach Gruyères

im Hintergrund gseht me scho ds Schloss

...et voilà, da simer!

i däm Restaurant gömer ga ds Nacht ässe:

bimene Fondue moitié-moitié u Dessert mit Doppelrahm hi wir dä rägnerisch Tag la usklinge.

Mis Fazit us däre Usfahrt: Egau was für Wätter isch, de MPC laht sech de Spass nid la verderbe. So isch eifach cool mit euch!!! Het mer riese Spass gmacht!