Uisflug nach Colmar

Am Suntig himer umi mau sone richtig kitschige, traditionelle Familiusflug gmacht. Am Morge simer richtig Colmar (F) losgfahre. Das isch es chlises, malerisches Städtli, richitg gmüetlich det!

...bis uf ds mau ohrebetäubende Sound dür d Strasse hallet. Booooah! E Lamborghini Murciélago LP 640!!!!

0 - 100 km/h in 3.4 sek., Topspeed 340 km/h, abartig!!!

Das isch doch as härzigs Motörli:

6.5l V12 Mittelmotor, 640 PS, 660 Nm....

Wär sech jetz so ine wetti chufe: Ab CHF 411'300.00 isch me debi!
U wär gär Früschluft het: Füre Roadster wärde CHF 452'000.00 fällig ;-)

Bir Rückfahrt himer de no a chline Stopp in Basel gmacht.

D Bar Rouge zoberst im Messeturm (momentan no ds höchste Gebäude ide Schwiz) het leider grad Summerpouse! :-(

u grad nomau es Troumouto. In Basel vorem Nobelhotel "Les trois rois" entdeckt:

Alfa Romeo 8C Competizione.

Vo däm Prachtsexemplar gits wäutwit grad mau 500 Stück, u die si scho längstens alli usverchauft, Stückpris ab CHF 237'759.00!

4.7l V8 Motor vo Ferrari / Maserati mit 450 PS / 480 Nm, 0 -100 km/h in 4.2 sek, Topspeed 292 km/h, u es hammer Design!

Churz speter fahrt das Teil a üs verbi. E Sound wo ihm alli Haar ds Bärg stah.

Aber wieder zrugg id Realität.... Settig Autos wärde für immer e Troum blibe... leider! Aber i bü ja glücklech mit mim MINI! ;-)