Juli-Höck

Hüt isch Höck-Day, das hisst, de Smartie darf pousiere u i gange mitem MINI ga schaffe. Schliesslech fahri nach de Arbit grad wieder diräkt uf Mühlau. D Wätterprognose si umi mau alles andere als rosig. Starchi Rägefäll u sogar Hagel si akündet für hinacht. Debi isch am Morge no eitel-Sonnenschein.....

Ds Murte parkieri grad näbem chline Brueder... schwarze 56er Cooper mit wissem Dach, dä stit jede Tag da... aber ganz ehrlich u ohni welle ds bluffe: Mine gfaut mer besser! ;-)

Am 17.10 woni zur Bank use gange isch emu no troche ud Reis cha afah. In Deitingen wartet d Danimuus uf mier. Sie isch zum erste Mau debi u het ires MINI no nid, drum fahrt sie mit mier bis uf Mühlau. Äbefaus vor Ort in Deitingen isch de Pascal vo Bärn mit sim Cooper S Works.

Im Rückspiegel wärde die schwarze Wolche immer grösser u die zahlriche Blitze si o nid ds überseh. Aber immerhin isch es dismau mitem Verkehr nid so schlümm. Nume grad bi Egerkinge chämer chli i Stou, süsch fliesst d Blächlawine eigentlech ging. Schlussendlech simer so früh in Mühlau wie ni no nie gsi bü. Glube isch öppe so am 19.15 gsi womer acho si. Als vierte MINI fahri ufe Platz.
Power-Clubby!

Schlussendlech sis de 22 Stück gsi, we mer die no dezuerächne wo scho vorhär wieder furtgfahre si, sogar 24 Stück.

Nid ds vergässe natürlech üser "Ussesiter": De Roger isch mitem Audi cho, u de Pascal us Heidi hi sech vom Dani la chauffiere...

...ude Aläää het sech mit sim brandnüe Subaru Impreza WRX STi la blicke woner ersch grad am Nami isch ga abhole! Respekt, dass er als ersts demit grad am MINI-Höck uftouchet isch! Hami gfreut ihn umi mau ds gseh.

Komischi Kreatione si äbefaus verträte gsi ufem Resti-Parkplatz:

....u last but not least..... 1... 2... 3... 4... jup! 5 Smarts! Zuefau? Nee, eher weniger! Zuefälligerwis het sech de Smartclub am gliche Abe u im gliche Restaurant wie wir üs troffe. Natürlech büni sofort zu däne no chli ga quatsche, u ohni lang ds zögere büni mit Infomaterial usgstattet worde! ;-)

Wär sech defür interessiert: http://www.smartmembers.ch/

U hie nomau üse MINI-Parkplatz! Isch doch eifach e schöne Ablick! =)

Aber wie jede Höck git o dä inisch em End zue u o de West-CH-Konvoi tritt sini Heireis an. Churz vor de 02.30 büni de o wieder guet dehei acho.