Adrian Stern u Baschi live

Gester, am 4 Juli, het ds Friburg d Jazzparade agfange. Zum 20-jährige Jubiläum vo Radio Freiburg / Radio Fribourg nid wie die anderi Jahr mit unbekannte Jazz-Künstler, sondern mit paar Top-Acts! Am Achti hani mit de Fabienne ude Madlen abgmacht, zäme fahre mer id Stadt. Det träffe mer no uf ds Käthi ud Nina (die hi allerdings alli nid uf ds Foto welle....). Später chunt de o no d Chantal ud Claudia dezue.

Pünktlech um 21.30 startet ds Konzert vom Adrian Stern.

("Unhaltbar", "Alles was du wotsch", "Ha nur welle wüsse")

Am Afang isch d Stümmig no chli verhaute, aber mit sire gueti Lune u em breite Aargauer-Dialäkt het er baud ds ganze Publikum agsteckt.
Öppa 1 Stund bringt er siner bekannte u o weniger bekannte Songs.

Isch uf jede Fau e tolle Uftritt gsi u de Stern tönt live genau so guet wie bi de Studioufnahme.

Nacheme zümlech lange u müehsame Soundcheck tritt de so ca. am 23.20 de Baschi mit 20 Minute Verspetig uf d Bühni....

Mit sinere bekannte Songs isch sofort es riese Fest ufem Platz.
Vo "Gib mer e Chance" über "Alles um dich" u "Irgenwie wunderbar" bis zu "Bring ihn hei" isch aus debi. Hoffe nume d Nonne im Chloschter grad näbedrah higi de Text vo "Wenn das Gott wüsst" nid verstane, süsch sie die de Räscht vom Läbe am Biechte wü sie so öppis sündigs kört hi! *lach*

Dernah gönne wir üs no a Gaufre oder as Crèpes, u de gits de langsam umi gäg hei zue. Bir Madlen dehei triche mer de no öppis u quatsche no chli, u de isch baud Zyt für is Bett....